Москвагаас зүүн өмнө зүгт 50 км зайд орших Раменское аж үйлдвэрийн агуулахад гал гарсныг Оросын хэвлэлүүд өчигдөр /2023.08.13/ мэдэгдлээ. Раменское нь орон нутгийн бордоо үйлдвэрлэгч юм.

Агуулахын гал түймэр дроны халдлагаас болсон эсэх нь тодорхойгүй. Гэхдээ Оросын хэвлэлд мэдээлснээр хайхрамжгүй байдлын улмаас гал гарсан гэжээ.

Украины эрх баригчид энэ хэргийн талаар ямар нэг мэдэгдэл хийж, хариуцлага хүлээгээгүй. Гэсэн хэдий ч Украины дээд албан тушаалтнууд “Дайн Орост ирлээ” гэж олон нийтэд ил тод мэдэгдсэн билээ.

Москва болон бусад захын дүүргээр сүүлийн үед хэд хэдэн удаа дроны халдлага болсон. Тухайлбал, долдугаар сарын 30, наймдугаар сарын 1-нд Оросын хэд хэдэн яам байрладаг Москвагийн бизнес цогцолборт нисгэгчгүй онгоцоор хоёр удаа цохилт өгчээ. Түүнчлэн наймдугаар сарын 11-нд Москвагийн дээгүүр нисч явсан дроныг саатуулсан гэж хотын дарга Сергей Собянин мэдэгдсэн байна. Тус нисгэгчгүй онгоц Москвагийн баруун хэсэгт орших Карамышевская далангийн бүсэд унажээ.

Эх сурвалж: THE KIYV INDEPENDENT