АНУ-ын Сан-Франциско хотын Эрүүл мэнд, хүний ​​үйлчилгээний газрын олон зуун ажилчдыг оффисынх нь орчимд гэмт хэргийн гаралт их байгаа тул гэрээсээ ажиллахыг зөвлөсөн гэж "San Francisco Chronicle" мэдээлэв. Тус газраас ажилтнууддаа наймдугаар сарын 4-нд илгээсэн санамж бичигт, "ойрын ирээдүйд" алсаас ажиллахыг зөвлөж байна гэсэн байжээ. Тус газрын захиргааны нарийн бичгийн даргын туслах Шерил Кэмпбеллийн мэдээлснээр холбооны байруудад үүссэн нөхцөл   байдлаас шалтгаалан ажилчдад дээрх зөвлөмжийг өгсөн гэв.

Холбооны барилга нь хар тамхины гол цэг гэгддэг Сан-Франциско хотын  7-р гудамжинд байрладаг бөгөөд дилерүүд ихэвчлэн байшингийн ойролцоо эсвэл гудамжны эсрэг талд хар тамхи зөөдөг гэж "Chronicle" мэдээлэв. Тухайлбал, Холбооны байрны хяналтын камерын нүдэн дээр хар тамхины наймаа хийсэн хэрэгт сэжиглэгдэн тавдугаар сард хоёр эрэгтэйг яллагдагчаар татсан байна.

Сан-Франциско сүүлийн жилүүдэд хар тамхины тахал, орон гэргүй хүмүүсийн хямралтай тэмцэж байна. Калифорнийн засаг даргын тамгын газар зургадугаар сард мэдээлэхдээ, хурдны замын эргүүлийнхэн Сан-Францискогийн Тендерлоин болон "ойролцоох бүс"-ээс дөрвөн кг гаруй фентанил хураан авсан гэжээ. Энэ нь хотын нийт хүн амыг бараг гурван удаа " алахад хангалттай" хэмжээ гэж мэдэгджээ. Түүнчлэн тэрбумтан Элон Маск түүний X /Твиттер/ компанийн төв байр байрладаг тус хотод гэмт хэргийн талаар ярьж анхааруулж байв. 

ЭХ СУРВАЛЖ: INSIDER