Өнгөрсөн баасан гаригт Нийслэлийн Засаг даргын зөвөлгөөнөөр хотын гэрэлтүүлэгтэй холбоотой ажлын хэсэг байгууллахаар болсон. Улаанбаатарт нийт 13 мянган гэрэл асч байгаа бөгөөд Цахилгаан тээвэр, гэрэлтүүлэг чимэглэл компаниуд хариуцдаг аж. Монополь гэмээр эрх эдэлж буй дээрх байгууллагууд технологийн шинэчлэл хийх, асахгүй байгаа гэрлүүдийг асаах тал дээр санаачилга муутай ажиллаж байна. Тийм учраас өрсөлдөгчтэй болох нь зүйтэй хэмээн үзэж энэ тухай Нийслэлийн удирдах ажилтнуудын шуурхай хурлаар хэлэлцэх юм байна.

Б.Сэлэнгэ