Пёньянтай хурцадмал байдал нэмэгдэж байгаа тул Өмнөд Солонгос энэ сарын сүүлээр зургаан жилийн дараа анх удаа үндэсний хэмжээнд иргэний хамгаалалтын сургуулилалт хийх гэж байна.  Тус улсын 51 сая оршин суугчдын дийлэнх нь 20 минут үргэлжлэх сургуулилалтын үеэр хоргодох байр эсвэл газар доорх аюулгүй газар руу нүүлгэн шилжүүлэх дадлага хийх юм.

Иргэний сургуулилалт наймдугаар сарын 23-нд болох аж. Энэ үеэр жолооч нар замын хажуу руу зогсч, метроны буудлуудын гарцыг хааж, зорчигчдыг дотор нь байлгах шаардлагатай гэж Өмнөд Солонгосын Дотоод хэргийн яамнаас мэдэгджээ.

20 минутын сургуулилалт нь “цөмийн пуужингийн дэвшилтэт аюул, кибер дайралт, нисгэгчгүй онгоцны терроризм гэх мэт” болзошгүй аюулд Өмнөд Солонгосын засгийн газрын хариу арга хэмжээг турших томоохон сургуулилалтын нэг хэсэг юм.

Ерөнхий сайд мөн Өмнөд Солонгосчуудыг сургуулилалтад нухацтай хандахыг уриалсан.

Дотоод хэргийн яамны заавраар улсын хэмжээнд 17 мянган хамгаалах байр нээх бөгөөд Өмнөд Солонгосын иргэд гар утасны апплейкшнаас байршлыг нь хайх боломжтой. Гол үйлчилгээнүүдийг тасалдуулахгүйн  тулд эмнэлэг, агаарын тээврийн компаниуд, төмөр зам, метро, ​​худалдааны далайн тээврийн хэрэгсэл яаралтай тусламжийн сургуулилалтад нөлөөлөхгүй гэж яам мэдэгдэв.

Мөн их хэмжээний бороо орсны дараа үерт нэрвэгдсэн тус улсын 13 бүс нутгийг гамшгийн бүс гэж тодорхойлсон ба сургуулилалтад оруулахгүй гэж мэдэгджээ.

ЭХ СУРВАЛЖ: CNN