Чингисийн өргөн чөлөөнөөс Баруун үйлдвэрийн гудамж хүртэлх авто зам, гүүрийн барилгын ажил 52 хувьтай үргэлжилж байгаа талаар Нийслэлийн Засаг даргын Тамгын газраас мэдээлсэн. Үүнтэй холбоотойгоор өнөөдөр /2023.08.03/ Нийслэлийн Онцгой комиссын шуурхай штаб газар дээр нь ажиллаж Хотын дарга Д.Сумъяабазар ажил хариуцаж буй компаниудад үүрэг чиглэл өгөв.

Гүүрний барилгын ажлыг гүйцэтгэгч компанийн зүгээс "Гүүрэн байгууламжийн ажил 95 хувьтай байна. Хучилт хийх зэрэг 10 гаруй хоногийн ажил үлдсэн. Гүүр ашиглалтад орсноор Чингисийн өргөн чөлөөний замын ачаалал 20 хувь буурах тооцоололтой байгаа. Нарны гүүрнээс буцаж эргэх Алтай хотхоны замын ачааллыг мөн тодорхой хэмжээнд бууруулна. Гэхдээ замын ажлын тендерийг өнгөрсөн Даваа гаригт зарласан учраас хуулийн дагуу шалгаруулалт 30 хоног болно" гэсэн юм.

Түгжрэлийг бууруулах хүрээнд Засгийн газар, Түгжрэлийг бууруулах үндэсний хорооноос чиглэл өгсөн. Холбоос замуудын тоог нэмэгдүүлж байж түгжрэлийг тодорхой хэмжээнд бууруулах боломжтой. Улаанбаатар хотод төлөвлөлтийн алдаанаас үүдэж нэг километр газар нутаг дээр есөн хувь хүрэхгүй холбоос замууд байна. Түгжрэлтэй бусад хотуудын жишгээс харахад холбоос зам нэг километрт 22 хувь байдаг. Тэгэхээр ерөөсөө л гол гол замуудаа хараад холбоос замуудаа нэмэх хэрэгтэй" гэдгийг анхааруулж, ядаж 18 хувьд холбоос замаа хүргэх үүргийг холбогдох албаныханд өглөө.