Энэ дагуу тус аймгийн Онцгой байдлын газрын алба хаагчдыг очиход иргэн 32 настай, эмэгтэй 2 настай, эрэгтэй Б нар гэртэйгээ урсаж нас барсан тул Хайрхандулаан сумын Засаг даргын Тамгын газрын ажилтнууд, ар гэрийнхэн ажиллаж 32 настай эмэгтэйн  цогцсыг 20:30 цагт /гэрээс нь урд зүгт 300 метрээс/ олсон.  2 настай хүүгийн цогцсыг өнөөдөр 06:07 цагт гэрээс нь урд зүгт 1.5 км-ээс олж Цагдаагийн байгууллагад шилжүүлэн өгчээ.

Аянга:Увс аймгийн Сагил сумын Баянзүрх багийн Дэрчингийн-Орой гэдэг газар 08.01-ний 17:30 цагт малчин айлын гэрт аянга буусан тухай мэдээллийг хүлээн авсан. Тус сумын харьяат малчин Ө-ийн гэр дээр аянга буусны улмаас малчин  53 настай, эмэгтэй А,  37 настай, эрэгтэй А нар бага зэрэг түлэгдсэн тухай мэдээллийг тус сумын Эрүүл мэндийн төвийн эмч аймгийн Онцгой байдлын газарт ирүүлсэн.

Уруйн үер: Өвөрхангай аймгийн Тарагт сумын Цахиурт багийн Арвайн тал гэдэг газар 08.01-ний өдрийн 18:00-21:00 цагийн хооронд усархаг бороо орсны улмаас хатуу хучилттай авто замын зорчих хэсэг дээгүүр ус хальж урссан тул автомашин усанд боогдсон тухай дуудлагыг 21:45 цагт хүлээн авсан.

Тус аймгийн Онцгой байдлын газрын Гал түймэр унтраах, аврах 12 дугаар алба хаагчид очиж усанд боогдсон 10 автомашиныг татан гаргасан.