Ньюс хөтөч: Э.Одбаярыг баривчилсан талаар хэлэлцэнэ

Ньюс хөтөч өнөөдөр /2023.08.01/ болох үйл явдлыг танилцуулж байна.

10.30 ЦАГТ

Хан Тайшир уулын аймаг байгуулагдсаны түүхт 100 жилийн ойн баяр наадмын нээлт шинэ цэнгэлдэх хүрээлэнд болно. Улаанбаатарын цагаар 11.30 цагт эхэлнэ.

11.00 ЦАГТ:

Монголын Үндэсний музейд “Монгол бөө, түүний засал, уламжлалт анагаах ухаан” үзэсгэлэн нээгдэнэ. Утас: 7011-0913, 9912-3922.

Иргэн О.Энхмаа нийслэлийн Засаг даргын Тамгын газрын үүдэнд хэвлэлийн хурал хийж, Хотын дарга Д.Сумъяабазарт шаардлага хүргүүлнэ гэнэ. Утас 99748016, 88824051
Нийслэлийн Сүхбаатар дүүргийн Эрүүгийн хэргийн анхан шатны шүүхийн байранд иргэн Э.Одбаярыг хууль бусаар баривчилж, өөрт нь мэдэгдэлгүй нууцаар шийтгэл оногдуулж, өршөөлд хамруулсан талаар хэлэлцэнэ.

11.40 ЦАГТ:

“Монгол Арт” галерейд БНСУ-ын Урлагийн музейн үзэсгэлэн нээгдэнэ. Мөн Вьетнам улсын зураачдын үзэсгэлэн үргэлжлэн гарч байна.
Залуу монголч эрдэмтэн судлаачдын олон улсын зуны ээлжит сургалт үргэлжилж байна.
Говь-Алтай аймгийн төв Алтай хотод Хан Тайшир уулын аймаг үүсгэн байгуулагдсаны 100 жил, Говь-Алтай аймгийн баяр наадам эхэлж байна.
Швейцарын хөгжлийн агентлагаас зарласан “Өнгөрсөн-одоо-ирээдүй” гэрэл зургийн уралдааны дүнг танилцуулна.