Дэлхийн өндөр барилгууд дээр авирдгаараа олонд алдаршсан Франц улсын иргэн, 30 настай Реми Люсиди гэгч Хонгконг дахь өндөр цамхгаас унаж нас баржээ.

Түүнийг  Трегунтер цамхгийн 121 футын өндрөөс унаж нас барсан байсныг цагдаа нар олжээ. Цагдаа нар түүний экстрим спортын видео бичлэг бүхий камерыг олсон тухай мэдээлсэн.  Тэрбээр өндөр барилгуудын орой дээр гарч сельфи зургаа оруулж, их хэмжээний хандалт авдаг байв. 

Хяналтын камерын бичлэгээс тэрбээр цамхгийн 40-р давхар хүртэл лифтээр гарч, дараа нь 68 давхар хүртэл шатаар яваад, дээврийн цонхыг хүчээр онгойлгон гарч буй нь харагджээ.

ЭХ СУРВАЛЖ: THE TELEGRAPH