Гурвалжингийн гүүрний зүүн хэсэгт байрлах обьектод гал гарсан талаар цахим орчинд мэдээлэл тараад байгаа юм. Энэ талаар ОБЕГ-аас тодруулахад, Хан-Уул дүүргийн 3-р хороо Мото буудлагын эсрэг талд гал гараад байна гэсэн дуудлага мэдээлэл 07:07 цагт ирсэн. Дуудлагын дагуу Гал түймэр унтраах, аврах 14 дүгээр ангийн бүрэлдэхүүнийг очиход 50х70 хэмжээтэй хөөсөнцөрийн үйлдвэрийн дээвэр хэсэг шатаж байсан. Одоогоор гал түймрийг унтраахаар Гал түймэр унтраах, аврах 10,14,18 дугаар ангиудын бүрэлдэхүүн ажиллаж байна гэх мэдээлэл өглөө. Иймд иргэн, аж ахуйн нэгжүүд гал түймрийн аюулаас урьдчилан сэргийлэхийг анхааруулж байна

Нэмэлт:Хан-Уул дүүргийн 3-р хороо Мото буудлагын эсрэг талд гал гараад байна гэсэн дуудлага мэдээлэл 07:07 цагт ирсэн. Гал түймрийн дуудлагын дагуу Гал түймэр унтраах, аврах 10,14,18 дугаар ангиудын бүрэлдэхүүн ажиллаж гал түймрийн тархалтыг 08:35 цагт зогсоолоо. Бүрэн унтраахаар ажиллаж байна.