Долдугаар сарын 29-31-ний өдрүүдэд гол мөрний усны түвшин аажмаар буурсан хэдий ч доор дурдсан голууд үерлэсэн хэвээр байна. Орхон /Сүхбаатар/, Ерөө /Ерөө сум/, Хараа гол /Дархан хот/, Халх /Ялалт баг/ орчимд үерийн түвшинг 10-40 см, Сэлбэ гол/Санзай/, Хангай нурууны арын Хөгшин-Орхон/Хархорин/орчимд үерийн түвшинг 3-4 см давсан байна.

Иймд орсон хур борооны эрчимшил хэмжээнээс шалтгаалан голуудын усны түвшин богино хугацаанд нэмэгдэх, хуурай сайр, гуу жалгаар уруйн үер буух нөхцөл бүрдэж болзошгүй тул үер усны аюулаас сэрэмжтэй байхыг анхааруулж байна.