Төв аймаг үүсэн байгуулагдсаны 100 жилийн ойн баяр наадам  өнөөдөр /2023.07.27/ эхлээд байна. Энэхүү наадамд Японы мэргэжлийн сумогийн 69 дэх их аварга, Монгол Улсын Хөдөлмөрийн баатар, Хакухо М.Даваажаргал оролцохоор  хүрэлцэн иржээ. Тэрбээр зодог тайлснаасаа хойш Монгол Улсад анх удаа ирээд байгаа нь энэ юм.

Түүний аав Монгол үндэсний бөхийн далай Даян аварга, Монгол Улсын Хөдөлмөрийн баатар, гавьяат тамирчин, олимпийн мөнгөн медальт Ж.Мөнхбат нь Төв аймгийн Эрдэнэсант сумын уугуул юм. Хэд хоногийн өмнө Эрдэнэсант сумын ерөнхий боловсролын сургуулийн дэргэд домогт аваргын чээж баримлыг нь босгосон.

Хакухо М.Даваажаргалын тухайд энэ оны эхээр зодог тайлсан.  Гэхдээ дэвжээгээ өвлөн авч, дасгалжуулагч багш болсон юм.