"Хийлдэг гулсуураас унасан хүү Турк руу эмчилгээнд явсан"

"Хийлдэг гулсуураас унасан хүү Турк руу эмчилгээнд явсан"

"Хийлдэг гулсуураас унасан хүү Турк руу эмчилгээнд явсан"

Баян-Өлгий аймагт өнгөрсөн тавдугаар сард хүчтэй шороон шуурга шуурч, хийлдэг гулсуур дээрх хүүхдүүд шидэгдсэн осол гарсан. Улмаар 12 хүүхэд унаж, бэртсэнээс нэг хүүхэд нас барж, нэг хүүхдийн биеийн байдал хүнд байгаа юм. Тодруулбал, биеийн байдал нэн хүнд хоёр сар эмчилгээнд байж, 23 хоногийн дараа ухаан орсон хүүг Монголд эмчлэх боломжгүй гэх хариу гарчээ. Тиймээс Турк улсад эмчилгээнд орох шаардлагатай болж, хүүгийн гэр бүлийн найзууд нь хандивын аян эхлүүлсэн байна. Энэ талаар тодрууллаа.

Хүүгийн гэр бүлийн найзуудын зүгээс "Хүүгийн аав эмч мэргэжилтэй. Аав, ээжийнх нь найзууд нэгдэж байгаад хандив цуглуулах санаачилга гаргасан. Эхний ээлжид шаардлагатай эмчилгээний зардлыг цуглуулахын тулд цахим хуудсаараа давлагаалж байгаа.

Олон хүмүүс хандаж тусламж үзүүлж байна. Эмнэлгийн байгууллагад ажилладаг, мөн аймгийн хүмүүс нь хандивын аянд идэвхтэй нэгдэж байна. Эрүүл мэндээрээ хохирсон Хазбек овогтой Нур-Али хүү Улаанбаатар хотод очиж ГССҮТ, ЭХЭМҮТ-д нийт хоёр сарын хугацаанд эмчилгээ хийлгэсэн.

Эмчилгээний явцад 23 хоногийн дараа ухаан орсон. Гэвч онош гарч, Монголд эмчлэгдэх боломжгүй учраас цаашид Турк улсад яаралтай эмчилгээнд явах болсон. Эхний удаад эмчилгээнд 30 мянган ам.доллар шаардлагатай гэсэн.

Одоогоор хүүгийн гэр бүлийнхэнтэй холбогдох боломжгүй. Учир нь тэд Туркэд хүүгийнхээ эмчилгээг эхлүүлсэн.

Гэр бүлийн найзууд, ажлын хамт олон нь нэгдэж хандивын аянг эхлүүлээд байна. Иймд сайхан сэтгэлт олон хүн тусламжийн гараа сунгахыг хүсч байна" гэсэн юм.
Хандивыг Х.Нур-Али хүүгийн аав Б.Хазбекын 5195140722 Хаан банкны дансаар авч байгаа аж. Цаашид эмчилгээний зардал нэмэгдэх бөгөөд их, бага гэлтгүй тусламжийн аянд нэгдэхийг хүмүүс уриалжээ.
ЦАГДААГИЙН БАЙГУУЛЛАГЫН ШАЛГАЛТЫН АЖИЛ ҮРГЭЛЖИЛЖ БАЙГАА ГЭВ
Дээрх ослын дараагаар цагдаагийн байгууллага шалгаж эхэлсэн. Эхний удаагийн шалгалтаар хийлдэг тоглоомыг ямар ч зөвшөөрөлгүй ажиллуулж байсан бөгөөд холбогдох хүмүүсийг мөрдөн шалгах ажил дуусаагүй байгаа аж. Гулсуураас шидэгдсэн хүүхдүүдээс ес нь эмнэлэгт хэвтэн эмчлүүлсэн бөгөөд ар гэрийнхэн нь гомдолтой байгаагаа мөн цагдаагийн байгууллагад өргөдлөөр өгчээ. Осол гарсан тухайн үед тус аймгийн Гэр бүл хүүхэд, залуучуудын хөгжлийн газрын хүүхдийн эрх хариуцсан улсын байцаагч Б.Ерген "Хийлдэг тоглоом салхинд хийсч, хөмөрснөөс олон хүүхэд шидэгдэж хүнд гэмтэл авсан. Олон нийтийн газар хүүхдийн тоглоом байршуулахдаа мэргэжлийн байгууллагын зөвлөмжийг авч, байгалийн давагдашгүй хүчин зүйлийн эрсдэлийг харгалзах ёстой.
Тус тоглоомыг ажиллуулж байсан хүн хийлдэг тоглоом талбай дээр гаргаад долоо хонож байхад осол гарч 15 хүүхэд гэмтсэн.
ГБХЗХГ-аас орон сууц, нийтийн эзэмшлийн зам талбай дээрх тоглоомуудыг шаардлага хангасан эсэхийг шалгаж, хяналт тавьдаг. Осол гарсан тоглоом мэргэжлийн байгууллагын хяналтгүй, Өлгий сумаас зөвшөөрөл аваагүй байсан. Иргэд болон мэргэжлийн байгууллагын зүгээс хүүхэд эрсдэлд орж магадгүй тус тоглоомд хяналт тавих хүсэлт тавиагүй учраас бидний зүгээс шалгаагүй" гэсэн юм.
Ямартай ч тус хэрэг дээр цагдаагийн байгууллагын мөрдөн шалгах ажил үргэлжилж байгаа бөгөөд эрүүл мэндээрээ хохирсон хүүхдүүдийн ар гэрийнхэн гомдолтой байгаагаа мэдэгджээ.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
1
ХарамсалтайХарамсалтай
1
ТэнэглэлТэнэглэл
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2023-07-27 213.87.138.136

>>>>>>>>> Халуун охид таныг хүлээж байна – – – – – https://tinyurl.com/y9p4r96k

Avatar

Нэргүй 2023-07-27 202.179.21.206

Хийлдэг тоглоом тавиад байхад очиж харах нь та нарын үүрэг. Аюулгүй байдал хангахаар байна уу үгүй !уг очоод харахад 5 минутын л ажил. Та нарын үүрэг нь үүрэг байна. Үүнд зөвшөөрөл авсан эсэх, хүсэлт тавьсан эсэх огт хамаагүй.

Avatar

Нэргүй 2023-07-27 202.170.68.162

тэнэг хүмүүсийг хуурч байгаа юм шиг. Зөвшөөрөл өгөөгүй хийгдэг тоглоомыг төв талбай дээр нь 7 хоног ажиллуулж байхад тус аймгийн эрх мэдэлтнүүд нь бүгд харж байсан. Нүдэн дээр нь шд. тэд нар бүтэн 7 хоног яагаад ямар нэгэн арга хэмжээ аваагүй юэ? Тэр хүмүүстэй нь арга хэмжээ тооцсон юмуу? Хатуухан арга хэмжээ тооц. Дараа дараагийн хүмүүст сургамж болог.

Avatar

Нэргүй 2023-07-27 202.179.21.206

Аймагт бол бүгдийн нүдэнд ил. Очоод харах л ёстой байж. Хийх ёстой ажил нь.

Avatar

Нэргүй 2023-07-27 202.179.21.206

Тоглоом ажиллуулж буй хүн ч гэсэн эхлээд хүмүүсийн аюулгүй байдлыг бодож бэлдэх хэрэгтэй.

Avatar

Нэргүй 2023-07-27 188.162.254.8

дээдэх нь суудалаа олоогуй бол доодох нь хэзээ ч гуйдэлээ олохгуй гэж Уих гээч худалч хулгайч з**х*й эмс шургалсан байгууллагыг тараая !

NewsMN Гар утасны хувилбар Татах
NEWS.mn

Мэдээллийн эх сурвалж