Нийслэл хотод энэ сарын 23-ны өдөр  аадар бороо орсны улмаас Баянгол дүүрэг 19-р хороо Чингүнжавын гудамжны /25-р эмийн сангийн уулзвараас Өргөө кино театр/ хүртэлх авто замд их хэмжээний эвдрэл үүссэн. Дээрх авто замын нүхэн эвдрэл засварлах, суурь бэлдэх, хашлага засварлах, цэвэрлэгээний ажлууд хийгдэж байна.

Түүнчлэн Чингисийн өргөн чөлөө буюу Төв шуудангийн уулзвараас Энхтайваны гүүр хүртэлх авто замын хөдөлгөөнийг хязгаарлаж, засварын ажил гүйцэтгэх гэж байна.

Тус ажлыг долоодугаар сарын 22-24-ний хооронд гүйцэтгэхээр төлөвлөж байсан ч бороо орсон тул өнөөдөр буюу долоодугаар сарын 26-ны 22:00 цагаас 28-ны 06:00 цаг хүртэл уг авто замыг хааж, асфальт бетон хучилт хийх юм.