Гурвалжингийн гүүрний засварын ажил дуусч өнөөдөр зорчих хэсгийг нээх юм байна. Мэргэжлийн байгууллагаас уг гүүрний дамнуур хотойж, даац нь муудсан гэсэн дүгнэлт гарч өнгөрсөн тавдугаар сарын 1-нээс автомашины хөдөлгөөнийг бүрэн хааж зам засварын ажлыг эхлүүлсэн юм. Гүүрний засварын ажлыг гүйцэтгэсэн компаниуд өнөөдөр 16.00 цагт хотын удирдлагуудад хүлээлгэн өгөх гэнэ. Өмнө уг гүүрийг бүрэн засч дууссан нь ч гүүрийг бэхжүүлэхэд тодорхой хугацаа шаардлагатай тул зорчих хэсгийг нээгээгүй байсан гэнэ.