Грекийн Родос аралд түймрийн улмаас олон мянган жуулчныг зочид буудлаас нүүлгэн шилжүүлэхээс өөр аргагүйд хүрсэн гэж албаныхан мэдэгдлээ.

Родосын төв болон өмнөд хэсэгт Мягмар гаригаас хойш хээрийн түймэр ассаар байна. Энэ нь Грек улсад гарсан олон тооны гал түймрийн хамгийн том нь бөгөөд шинжээчдийн үзэж байгаагаар тус улсын түүхэн дэх хамгийн урт гал түймэр болж магадгүй юм.

Грекийн телевизээр Родос дахь үл хөдлөх хөрөнгө, далайн эргийн ойролцоо гал, утаа гарч байгааг харуулсан бөгөөд олон нийтийн сүлжээнд нийтлэгдсэн бичлэгт олон тооны жуулчин зочид буудлуудаасаа явганаар нүүлгэн шилжүүлэгдэж буй нь гарчээ.

Арлын хойд хэсэгт Бямба гаригт 10,000 орчим жуулчныг аюулгүй авчирсан гэж Родосын зочид буудлын холбооноос мэдээллээ. Нийт 12 зочид буудлаас ирсэн жуулчдыг автобусаар, явганаар болон далайгаар тээвэрлэсэн гэв.

Эргийн хамгаалалтын албанаас дөрвөн завь, мөн 20 хувийн хөлөг онгоцоор нүүлгэн шилжүүлэлтэд тусалсан байна.

Орон нутгийн гал унтраах албаныхны мэдээлснээр завь 2000 орчим хүнийг нүүлгэн шилжүүлсэн байна. Нүүлгэн шилжүүлэхийг тушаасан зочид буудлын тоо арлын нийт жуулчны хүчин чадлын 10 хүрэхгүй хувийг эзэлж байна.

ЭХ СУРВАЛЖ: CNN