Сонгинохайрхан дүүргийн 23 дугаар хороонд 18 метр урт, 5.3 метр өндөр, 13 метр өргөнтэй туннелийн барилгын ажил эхлээд байна. Үүнтэй холбогдуулан тус хорооны гэр хороолол дахь холбоос замыг өнөөдөр 07:00 цагаас эхлэн бүтэн хааж, явган зорчигч, тээврийн хэрэгслийг түр замаар зорчуулж эхлээд байна. Замыг ирэх есдүгээр сарын 15-ны 06:00 цаг хүртэл хаагаад буй. Уг байршилд 1600 өрх амьдардаг бөгөөд зам хаах талаар оршин суугчдад мэдээлэл хүргүүлжээ. Иймд иргэд, жолооч та бүхэн бусад замыг сонгон хөдөлгөөнд оролцохыг холбогдох албаныхан сануулж байна.

Түгжрэлийг сааруулах хүрээнд дээрх бүтээн байгуулалтын ажлыг эхлүүлсэн байна.