АНУ-ын армийн 2-р зэрэглэлийн  цэрэг, 23 настай Трэвис Кинг Хойд Солонгост нэвтэрснээс хойш бараг 72 цаг өнгөрсөн ч  түүний байршил, нөхцөл байдлын талаар тодорхой мэдээлэл олж чадаагүй байна. Тэр ч байтугай түүнийг хилээр гарахад хүргэсэн нөхцөл байдал нууц хэвээр байна. Армийн сөрөх тагнуулын албаныхан Трэвисийг  хоёр Солонгосыг заагласан цэрэггүй бүсэд зочилсон аяллын багт хэрхэн орсныг шалгаж байгаа гэж Пентагон мэдэгдсэн.

  Эх сурвалжуудын мэдээлснээр Өмнөд Солонгост танхайн хэргээр сар гарангийн хугацаанд хоригдсон бөгөөд Даваа гаригт Сөүлийн нисэх буудлаас АНУ руу буцах ёстой байсан аж. Техаст тэрбээр гадаадад хэрэг үйлдсэн хэрэгт хуулийн хариуцлага хүлээх ёстой байсныг АНУ-ын албаныхан мэдээлсэн.

Нөгөө талд Хойд Солонгосын хэвлэл мэдээллийн хэрэгслүүд ч мөн адил чимээгүй хэвээр байна. АНУ-ын талынхны мэдээлж буйгаар Трэвисийг хил давмагц Хойд Солонгосын талаас бүхээгтэй тэргэнд суулгаад авч явсан гэж мэдэгдсэн. Гэхдээ америк цэрэг Хойд Солонгосын засгийн газартай урьдчилан тохиролцсон гэж үзэх шалгаан байхгүй гэж Пентагон мэдээлжээ. 

ЭХ СУРВАЛЖ: ABC NEWS