“Мисс Монголиа-2005” тэмцээний тэргүүн мисс Б.Гантогоо Соёлын элч болжээ. Тэрбээр сүүлийн жилүүдэд нам гүмхэн амьдралыг сонгох болсон. Түүнийг загварын тайзан дээр нэг их удаан алхалгүй “зодог тайлсан” гэлцэх нь бий. Тэрбээр одоо "Мисс Монгол" аялал жуулчлалын холбооны тэргүүнээр ажиллаж, Монгол Улсаа олон улсад сурталчилж буй юм. Мисс Б.Гантогоогийн хувьд 2010 онд "Эх дэлхийн мисс" тэмцээнд Монгол Улсаа төлөөлөн амжилттай оролцож байсан. “Мисс Монголиа-2005” тэмцээний тэргүүн байрын шагналт мисс бүсгүй олон улсад нэр хүндтэй томоохон тэмцээнүүдэд амжилт гаргаж, дэлхийн мисст өрсөлдсөн сайхан бүсгүйчүүдийг эх орондоо урьж, хүмүүнлэгийн үйлст уриалж явсан.

Явсан газар бүртээ амжилт гаргаж, эх орныхоо нэрийг өндөрт өргөдөг авьяаслаг мисс бүсгүйг "Номинталст" хамтлагийн дуучин А.Хаянхярваатай хамтран "Аз жаргалын дуу"-г дуулснаар нь хүмүүс сайн мэднэ. Мөн тэрбээр 2011 онд “Байгальд ээлтэй дэлхийн элч”-ээр тодорч байсан удаатай. Мисс Б.Гантогоо Андрей Кимийн моделийн агентлагийг төгсч, Монголынхоо миссүүдийг гадаадын тэмцээнд өрсөлдөхөд том хөшүүрэг болж яваа сурагтай.