Баяр наадмын өдрүүдэд Гэмтэл, согог судлалын үндэсний төвийн ачаалал эрс нэмэгддэг. Энэ үеийг далимдуулж хулгай хийх тохиолдол гарчээ. Тодруулбал, тус эмнэлгийн тусгай зориулалтын дүрс оношилгооны процессорыг өчигдөр /2023.07.17/ хулгайлсан байна. Энэ хэргийг харьяа дүүргийн цагдаагийн хэлтэс шалгаж байгаа аж.

ГССҮТ-ийн ажилтны цахим хуудастаа бичсэнээр, "Наадмын өдрүүдээр архаг хүнд өвчтэй өндөр настнууд төдийгүй залуучууд ГССҮТ-өөс яаралтай түргэн тусламж үйлчилгээ авах нь эрс нэмэгдсэн. Энэ үед залуухан хулгайч эрчимтийн өвчтөнг шинжилгээнд хамруулж байхад өрөөнөөс компьютерийн процессор хулгайлжээ. Амралтын өдрөөр дуудагдаж ирсэн эмнэлгийн ажилчдын ар хударгаар яаж хулгай хийж чадаж байна аа.

Хулгайчийг таньж мэдэх хүн яаралтай холбогдоно уу" гэжээ.