Олон улсын физикийн 53 дугаар олимпиадаас Монгол Улсын баг нэг мөнгө, хоёр хүрэл медаль, нэг шагналт байрыг хүртлээ. Япон улсын нийслэл Токио хотод долдугаар сарын 10-17-нд энэхүү олимпиад зохион байгуулагдаж байна.  Дэлхийн 90 гаруй орны 450 гаруй сурагч оролцож буй аж.

Монгол Улсаа төлөөлөл оролцсон сурагчдаас:

• Сант сургуулийн сурагч О.Анирчулуу мөнгөн медаль,
• Сант сургуулийн сурагч Г.Азжаргал хүрэл медаль,
• Шинэ-Үе сургуулийн сурагч Г. Батбаяр хүрэл медаль,
• Нийслэлийн 11 дүгээр сургуулийн сурагч Л.Дөлгөөн шагналт байр хүртлээ.

Онцолход, О.Анирчулуу олон улсын физикийн олимпиадаас 3 жил дараалан 3 дахь ( 2 мөнгө, 1 хүрэл) медалиа хүртэж байгаа бол 10 дугаар ангийн 2 сурагч анх удаа оролцож хүрэл медаль хүртжээ.