Хойд Солонгосоос Лхагва гаригт тив харвасан алгасагч баллистик пуужин ОХУ-ын  усан хилд унасан эсэхийг шалгаж байна гэж тус улсын гадаад хэргийн дэд сайд Андрей Руденко мэдэгдлээ.

“РИА” болон “ТАСС” агентлаг Руденкогийн хэлснийг иш татан мэдээлснээр, “Оросын Батлан ​​хамгаалах яам мөрдөн байцаалт явуулж байгаа ч одоогоор пуужин Оросын эдийн засгийн бүсэд унасан гэсэн тодорхой мэдээлэл бидэнд байхгүй байна" гэжээ.

“Хвасон-18” пуужин нь Хойд Солонгосын цөмийн цохилтын хүчний гол цөм бөгөөд туршилтын ажиллагаа нь АНУ болон бусад дайснуудад “хүчтэй бодит сэрэмжлүүлэг” болсон гэж тус улсын төрийн хэвлэлүүд мэдээлжээ.

Хойд Солонгос 2006 оноос хойш пуужингийн болон цөмийн хөтөлбөрийнхөө хэргээр НҮБ-ын хориг арга хэмжээнд орсон. НҮБ-ын Аюулгүйн зөвлөл сүүлийн хэдэн жилийн турш энэ асуудлыг хэрхэн шийдвэрлэх талаар санал зөрөлддөг.

НҮБ-ын Ерөнхий нарийн бичгийн даргын туслах Халед Хиари  хэлэхдээ, Хойд Солонгосын сүүлийн пуужин 74 минут орчим нисч, 1000 гаруй км (625 миль) туулсан байна. Хиаригийн хэлснээр, уг пуужин Оросын эдийн засгийн онцгой бүсэд,  Японы усан хилийн ойролцоо унасан байна.

ЭХ СУРВАЛЖ: REUTERS