Сайншанд-Хамарын хийд чиглэлийн 21 км хатуу хучилттай авто зам үерийн улмаас сэтэрсэн тул сэргээн засч буй юм. Дээрх ажил хийж байгаатай холбоотойгоор Хамарын хийдийг зорьж буй аялагчдыг дараах маршрутаар зорчихыг Дорноговь аймгийн Засаг даргын Тамгын газраас санууллаа.

Сануулахад, Дорноговь аймгийн нийт нутгаар долдугаар сарын 13-наас эхлэн усархаг бороо орсны улсмаас Өргөн сумын 39-р зөрлөг хоорондын замын 916-р км-ийн 8-10-р зуутад 200 м газарт төмөр замын далан үерийн усанд угаагдсан, мөн Сайншандаас Хамарын хийд явах авто зам аадар борооны улмаас сэтэрсэн тул зорчих хөдөлгөөнийг түр хугацаагаар хязгаарлаад байсан юм. Гэхдээ бороо зогсонгуут автозамыг сэргээн засах ажлыг хийж эхэлсэн бөгөөд замыг засч дуутал дараах маршрутаар аюулгүй байдлыг ханган зорчихыг анхааруулж байна.