НЭМЭЛТ:

Ойрын өдрүүдэд ихэнх нутгаар дуу цахилгаантай аадар бороо, усархаг бороо үргэлжлэн орж гол, мөрөн, нурууд хүчтэй үерлэж авто зам, гүүр эвдэрч  зорчих хөдөлгөөнд саад учирч байна.

Тодруулбал Өвөрхангай аймгийн бүс нутгаар аадар бороо орсны улмаас зам гүүр эвдэрч, Орхон, Онги голын усны түвшин нэмэгдсэн аюултай нөхцөл байдал үүсчээ.

Өвөрхангай аймаг Бат-Өлзий сум долдугаар сарын 13-ны байдлаар Орхон голын усны түвшин огцом нэмэгдэж үерийн аюултай түвшин давж 26 см үеэрлэсэн байна.

Орхон голын усны түвшин өмнөх өдрийнхөөс 126см нэмэгджээ. Усны түвшин олон жилийн дунджаас 160 см их байна. Агаарын температур Цельсийн 13.6 градус усны температур Цельсийн 7.8 хэм байна. Нийтдээ 52 мм тунадас орсон бөгөөд гол булингартай байгаа юм байна.

Баяр наадам, амралт зугаалгатай холбоотой Улаанбаатар хотоос хөдөө орон нутаг руу зорчих иргэдэд анхааруулахад  ойрын хэдэн өдрүүдэд бороо орж зарим аймаг сумдад үерийн голомттой байгаа тул иргэд  хол замд гарахдаа анхаарал болгоомжтой байна уу.

Л.ЭНХТУУЛ