Жил жилийн наадмын хамгийн олон үзэгчтэй морины уралдаан соёолонгийн уралдаан байдаг. Учир нь монголчууд хамгийн хурдтай, хамгийн эрмэг хүлэг болох соёолонгийн тоосонд дарагдвал тэр жилдээ сүлд хийморьтой явна гэж үзэн билэгшээдэг билээ.

Наадамчин олон хэдийнэ Хүй долоон худгийн барианы хэсэгт суудлаа эзэлжээ. Одоогоор уралдаан эхлээгүй байгаа бөгөөд унаач хүүхдүүдийг мордуулж эхэлж байна.

Өнгөрсөн жил соёолонгийн уралдаанд Ховд аймгийн Мянгад сумын харьяат Б.Энхбаярын хээр үрээ түрүүлж, торгон жолоогоо өргүүлсэн билээ.