Тиймээс Гэр бүл хүүхэд залуучуудын газар болон хурдан морины уралдааны комиссоос аюулгүй байдлыг хангаагүй унаачдыг уралдаанд оролцуулахгүй бөгөөд, зориулалтын хувцас, тоноглолыг өмссөн тохиолдолд бүртгэнэ гэдгийн анхааруулж байна.

Уяач та хүүхдээр хурдан морь унуулахдаа дараах зүйлсийг дагаж, тэдний амь нас, эрүүл мэндийг хамгаалаарай.

• Үндэсний их баяр наадмын тухай хуульд заасны дагуу 8-аас дээш настай хүүхдээр хурдан морь унуулах,
• Уяач өөрийн биеэр уралдаанч хүүхдийн хамт ирэх бөгөөд хүүхдийн төрсний гэрчилгээ, эрүүл мэндийн даатгалын дэвтрийн хуулбар, эцэг, эх асран хамгаалагчийн зөвшөөрлийн бичгийг авч ирэх,
• Уралдаанч хүүхдийг эрүүл мэндийн үзлэгт хамруулж, гэнэтийн ослын даатгалд даатгуулсан байх,
• Уралдаанч хүүхдийн эрүүл мэнд, аюулгүй байдлыг хангах үүднээс MNS 6264:2018 стандартын дагуу тусгай зориулалтын малгай буюу дуулга, хантааз, гутлыг өмсүүлж, цаг агаарын нөхцөл байдалтай уялдуулан нүдний шил, юүдэн, бээлийг өмсүүлэх шаардлагатай.