Сэлэнгэ аймгийн Мандал сумын Онцгой комиссоос Зүүнхараа хот болон ойролцоох сумдын худалдаа, үйлчилгээ эрхлэгчдэд хандан бараа, бүтээгдэхүүний үнэ хөөрөгдөхгүй байхыг анхааруулжээ. Хэдийгээр Хараа гол Сэлэнгэ аймгийн хэмжээнд олон газар үерлэж, Зүүнхараа хотын Хараа голын гүүр нурсан ч бүх төрлийн ачаа тээвэр хэвийн үргэлжилж байгааг сумын Онцгой комиссоос мэдэгдэв.

Зохиомлоор үнэ хөөрөгдсөн иргэн, аж ахуй нэгжийн талаарх санал гомдлыг тусгай дугаарын утсанд хүлээн авч Зөрчлийн тухай хуулийн дагуу торгуулийн арга хэмжээ авдаг.