Нидерландын Ерөнхий сайд Марк Рютте өчигдөр огцорч, энэ оны сүүлээр болох бүх нийтийн сонгууль явуулах замыг заслаа. Тэрбээр хаан Виллем-Александртай уулзаж, албан ёсоор огцрох өргөдлөө өгсөн бөгөөд, хаан түр засгийн газар байгуулахаар болжээ.

2010 оноос хойш Засгийн эрхийг барьсан Рютте Нидерландын түүхэнд хамгийн удаан ажилласан Ерөнхий сайд юм. Түүний бүрэн эрхийн хугацаа тогтвортой байдлын тулгуур багана болсон түүний Засгийн газар урьд өмнө нь байгаагүй улс төрийн хямралын улмаас нуран унав.

Нидерландад олноороо ирж буй орогнол хүсэгчидтэй харьцах асуудлаар тохиролцоонд хүрч чадаагүйн улмаас түүний төв-консерватив улс төрийн нам Засгийн газарт хяналтаа алдсанаар Рютте огцорсон юм. Энэ асуудал Нидерландын улс төрийн тэргүүн эгнээнд хэдэн сарын турш байсаар ирсэн бөгөөд Европ даяар өсөн нэмэгдэж буй цагаачлалын эсрэг үзэл санаанаас үүдэлтэй байв. Улмаар дөрвөн намыг нэгтгэсэн эрх барих эвсэл цагаачлалын урсгалыг зогсоох төлөвлөгөөний талаар дотооддоо болон сөрөг хүчний намуудтай хэлэлцээ хийж байв.

Нидерландын засгийн газрын эх сурвалжууд "Bloomberg"-т хэлэхдээ, өнгөрсөн долоо хоногт Рутте "тохиролцох боломжгүй" шаардлагуудыг танилцуулснаар яриа хэлэлцээ хаагдсан байна. Эдгээр шаардлагын гол цөм нь Нидерландад орогнол хүсэгчидтэй дахин нэгдэхийг зөвшөөрсөн гэр бүлийн гишүүдийн тоог хязгаарлах тухай Рюттегийн санал байв. Энэ нь VVD эрх барих эвсэл болон сөрөг хүчний намуудын аль аль нь эрс эсэргүүцсэн зүйл байсан гэж "Bloomberg" мэдээлснээр "эвслийн түншүүдийн итгэлцэл хуваагдахад" хүрчээ.

ЭХ СУРВАЛЖ: THE WEEK