Шуурхай ажиллагааны хүрээнд хотын төвийн таван дүүргийн хэмжээнд Улаанбаатар цахилгаан түгээх сүлжээний 68 дэд өртөөнд холбогдсон 6755 хэрэглэгчийг болзошгүй эрсдэлээс сэргийлж, цахилгаан хүчдэлээс таслаад буй.

Тог цахилгааныг тасалсан өрхүүдэд маргаашаас эрчим хүчийг залгахаар ажиллаж байгааг УБЦТС ТӨХК-иас мэдээллээ.

УБЦТС ТӨХК долдугаар сарын 08-ны 08:00 цагаас 9-ний 00:00 цагийн хооронд нийт 241 хүн, 13 механизм, 53 авто машинаар үүрэг гүйцэтгэсэн байгаа аж.

Томоохон хүрээний таслалтуудын байршлын тухайд:

1. БЗД-ийн Натур, С-Оутлетс, 10,23-р Улайстай орчмоор;
2. СБД-ийн 1-р хороо Тээврийн цагдаагийн газар, Коёото; 14-р хороо 5, 6 буудал орчмоор.

Ямартай ч одоогоор эдгээр бүсийн үерийн усыг соруулж, аюулгүй байдлыг хангасны дараа хүчдэлд залгахад бэлэн байдалд ажиллаж байна.