Улаанбаатар хотын Захирагчийн ажлын албанаас нийслэлд үүссэн нөхцөл байдалтай холбогдуулан үерийн ус орсон байршил, нийтийн эзэмшлийн гудамж, талбайг ариутган, халдваргүйжүүлэх ажлыг эхлүүлсэн. Энэ хүрээнд Чингэлтэй дүүргийн Шуурхай штаб болон ЗДТГ-ын Тохижилт, нийтийн аж ахуйн хэлтэс Сэлбэ гол дагуух 19 дүгээр хорооны доод Салхитаас эхлэн Ар согоот, Жанчивлан, Жигжид,  дээд Салхит, Яргайт, Яргайтын богино, Зуун мод зэрэг зуслангийн бүсийн байршлуудыг ариутгаж, халдваргүйжүүлэх ажлыг хийж байна.

Эдгээр байршилд ариутгал халдваргүйжүүлэлтийг эхний удаад хоёр ээлжээр, 16 тонн ариутгах бодисыг мананцар үүсгэгч тусгай зориулалтын автомашинаар цацах юм.

Ариутгал хийх байршлуудад иргэд, олон нийт гудамж талбайд зорчихгүй байхыг зөвлөж байна. Мөн үерийн усыг бүрэн соруулж дууссан тохиолдолд хотын төвийн байршлуудад ариутгал хийхийг мэдээллээ.