Улаанбаатар хотын хэд хэдэн дүүргүүдэд үер, усны гамшгийн нөхцөл байдал үүсээд байгаатай холбогдуулан Нийслэлийн Онцгой Байдлын Ерөнхий газар, Цагдаа хүчний байгууллагуудын бие бүрэн бүрэлдэхүүн болон хувь хүн, албан байгууллагууд хамтран гамшгийн гол бүсэд ажиллаж байгаа билээ. Үерийн голомтод ажиллаж буй нийт бие бүрэлдэхүүнд зориулан “НОМИН Холдинг” ХХК-ийн зүгээс нийт 30 гаруй сая төгрөгийн хоол хүнс болон үйл ажиллагаанд хэрэглэх ахуйн хэрэгцээт бараа бүтээгдэхүүнүүдийг Нийслэлийн Онцгой Байдлын Ерөнхий газарт хандивлан хүлээлгэн өглөө. Аж ахуй нэгж байгууллагууд болон олон нийт ард иргэд та бүхнийг үер усны гамшгаас сэргийлэн, сонор сэрэмжтэй байхыг уриалж хамтдаа хүчээ нэгтгэн, гамшгийн аюулыг давахыг уриалсан байна.