Улаанбаатар хот орчмын голуудын үерийн байдал

(2023 оны 07 сарын 06-ны 20 цагийн байдлаар)

Сэлбэ голын дагууд үерийн аюултай түвшинг 10-20 см давсан байдалтай, өмнөх 16 цагийн ажиглалтаас хойш түвшин нэмэгдээгүй байна (дор хүснэгт үзэх).

Ус судлалын тэрэлж-Тэрэжл гол буюу Тэрэлж орчмоор усны түвшин өмнөх 16 цагаас хойш огцом 30 см нэмэгдэн хүчтэй үерлэж, үерийн аюултай түвшинг 30 см даваад байна. Туул-Улаанбаатар харуулаар өмнөх 16 цагаас хойш 3 см бөгөөд мөн үерийн түвшинг 50 см давж үерийн аюултай түвшинд (260 см) хүрэхэд 5 см үлдээд байна. Тэрэлж-Тэрэлж харуулын мэдээгээр хийсэн прогнозоор маргааш Туул-Улаанбаатарт усны түвшин 270 см хүрч, үерийн аюултай түвшинг 10 см давах төлөвтэй байна. Тэрэлж-Туул-Улаанбаатар харуулын хооронд үерийн урсах хугацаа буюу прогнозын урьдчилгааны хугацаа 1 хоног буюу 24 цаг орчим.

Иймд яаралтай зарим урьдчилан сэргийлэх арга хэмжээ авахыг зөвлөж байна.

1. Найдвартай холбоны хэрэгсэлтэй эргүүлүүд Туул голын дагуу урсгалын дээд чиглэлд гаргах, утхайлбла Гачуурт, Харзтай гэх цэгүүдэд гаргаж үерийн байдлыг богино давтамжтай мэдээлж байх

2. Туул дагуух үерийн хамгаалалтын далангын нөхцөл байдлыг шалгаж, хальж болзошгүй цэг, хэсгийг тогтоож, зураглаж, хамгаалах бэхлэх, өндөрлөх арга хэмжээнд бэлдэх , авах гэх мэт. Мөн хамгаалалтын далангуй урсгалын дээд чиглэлийн нөхцөл байдлыг үнэлэх шаардлагатай байх (эргээс хальсан үерийн ус далангийн гадуур орж ирж болзошгүй гэж болгоомжилж байна )

3. Нүүлгэн шилжүүлэлтийн арга хэмжээ төлөвлөх гэх мэт.

УЦУОСМХ-ийн Гадаргын усны судалгааны хэлтэс , Д.Оюунбаатар, 99124489

2023.07.06.

Туул, Хэрлэн голын сав дахь зарим ус судлалын харуул дээр үерийнолшруулсан ажиглалт хэмжилтийн дүн, Усны түвшин, см

д/д	Гол/харуул	Үерийн түвшин, см	Үерийн аюултай түвшин, см	VII.3	VII.4	VII.5	VII.6
8 цаг	8 цаг	12 цаг	16 цаг	20 цаг	8 цаг	12 цаг	16 цаг	20 цаг	8 цаг	12 цаг	16 цаг	20 цаг
1	Тэрэлж-Тэрэлж	208	265	173	203	218	227	230	226	240	243	243	240	240	258	282
2	Туул-Улаанбаатар	202	260	130	157		168	172	210	218	225	230	242	247	253	256
3	Сэлбэ-Санзай	270	283	256	264		283	289	288	288	288	288	296	296	295	294
4	Сэлбэ-Дамбадаржаа	99	133	74	76				119	121	126	128	133	133	152	152
5	Улиастай-Улиастай	220	240	185	191		222	237	249	250	253	247	236	237	238	243
6	Хэрлэн-Багануур	420	470	383	390		411		408	413	415	422	435		440	444