08.00 цагт: Нээлттэй нийгэм форумд: СЕХ-ны дэргэдэх "Сонгуулийн боловсрол" клуб УИХ-ын сонгуулийн хуулийн нэмэлт, өөрчлөлтийн талаар мэдээлэл хийж, сургалт зохион байгуулна.

10.00 цагт: УИХ-ын чуулганы нэгдсэн хуралдаан эхэлнэ. Чуулганы хуралдаанаар,

    Монгол Улсын 2022 оны нэгдсэн төсвийн гүйцэтгэл, Засгийн газрын 2022 оны санхүүгийн нэгтгэсэн тайлан, "Монгол Улсын 2022 оны төсвийн гүйцэтгэл батлах тухай" Улсын Их Хурлын тогтоолын төсөл /Засгийн газар 2023.06.16-ны өдөр өргөн мэдүүлсэн, хоёр дахь хэлэлцүүлэг/

• Боловсролын ерөнхий хуулийн төсөлтэй хамт өргөн мэдүүлсэн Дээд боловсролын тухай хуулийн шинэчилсэн найруулгын төсөл /Засгийн газар 2021.06.24-ний өдөр өргөн мэдүүлсэн, эцсийн хэлэлцүүлэг/
• Мэргэжлийн болон техникийн боловсрол, сургалтын тухай хуулийн шинэчилсэн найруулгын төсөл /Засгийн газар 2021.06.24-ний өдөр өргөн мэдүүлсэн, эцсийн хэлэлцүүлэг/
• Газрын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Тариалангийн тухай хуульд өөрчлөлт оруулах тухай хуулийн төсөл /Улсын Их Хурлын гишүүн Ж.Бат-Эрдэнэ нарын 5 гишүүн 2023.06.20-ны өдөр өргөн мэдүүлсэн, хэлэлцэх эсэх/
• “Төрийн аудитын байгууллагын цалин шинэчлэн тогтоох тухай” Улсын Их Хурлын тогтоолын төсөл
• Хилийн боомтуудаар ачаа, тээвэр, нүүрс нэвтрүүлэх болон чөлөөт бүсийн үйл ажиллагаанд учирч байгаа хүндрэлийг шалган тогтоох түр хорооны тайлан сонсох

10.00 цагт: Стандарт хэмжил зүйн газарт: Монгол Улсын Шадар сайд С.Амарсайханы санаачилгаар Стандарт хэмжил зүйн газар, МСНЭ-ээс хамтран зохион байгуулсан нийтлэл нэвтрүүлгийн уралдааны шагнал гардуулна. Утас: 9111-8403.

 “Зууны мэдээ” сонины мэдээллийн төвд:

11.00 цагт: АН-аас тус нам дахь улс төрийн клубуудын нэгдсэн зөвлөгөөний үр дүнг танилцуулна.

11.30 цагт: Иргэний нийгмийн байгууллага ТББ-ын төлөөлөл УИХ дээр хэлэлцэж байгаа Газрын тухай хуулийг эсэргүүцэн мэдэгдэл хийнэ.

“Монгол ньюс” мэдээллийн төвд:

11.30 цагт: : Татварын мэргэшсэн зөвлөх үйлчилгээний тухай хуульд нэмэлт, өөрчлөлт оруулах тухай хуулийн талаар "Татварын хөгжил дэвшил холбоо"-ноос мэдээлэл хийнэ.