Хятадын тулаантай киноны супер од Жэки Чан олон жилийн өмнөх уран бүтээлээ үзээд нулимс унагаж буй бичлэг шүтэн бишрэгчдийг нь уяраалаа. Энэ нь  “Ride On” киноных нь хэсгээс тасдсан бичлэг юм. Бичлэгт 69 настай Жэки Чан тус кинонд охиных нь дүрийг бүтээсэн жүжигчин Лю Хаоцуны хажууд суугаад өмнөх кинонуудын эрсдэлтэй тулааны хэсгүүдийг үзээд уйлж буй нь гардаг. Тухайлбал, 1983 оны "А төсөл" киноны Жэки Чан дээврээс унаж буй хэсэг, 1985 оны "Цагдаагийн түүх" киноны явж буй автобусны хажуу талаас зүүгддэг хэсгийг харуулдаг. 

Жэки Чаны уйлдаг хэсгийн бичлэг дээр охин нь түүнээс "Та өвддөг байсан уу? гэж асуухад "маш их гэж хариулдаг бөгөөд хариуд нь "Аав аа, та үнэхээр гайхалтай" гэж хэлээд хоёул уйлж буйгаар гардаг.

“Ride On” кино нь өнгөрсөн дөрөвдүгээр сарын 7-нд Хятадад нээлтээ хийсэн бөгөөд орлон тоглогч болон түүний морины тухай түүхийг өгүүлдэг.

Жэки Чан бодит амьдрал дээр 23 настай охинтой. Гэвч охиныхоо бэлгийн чиг баримжаанаас болж олон жилийн өмнө харилцаагаа тасалсан.  Охин нь түүнийг эцгээ гэж боддоггүй гэж ярьсан удаатай.

ЭХ СУРВАЛЖ: THE NEXT SHARK