УИХ-ын чуулганы нэгдсэн хуралдаанаар өнөөдөр Үндсэн хуулийн Цэцийн гишүүнээс Ц.Нанзаддоржийг чөлөөлөх тухай асуудлыг хэлэлцэн дэмжлээ.

Ц.Нанзаддоржийг ҮХЦ-ийн гишүүнээс чөлөөлөхийг дэмжив

УИХ-ын Хууль зүйн байнгын хороо өнөөдөр (2023.06.29) хуралдаж, Үндсэн хуулийн Цэцийн гишүүнээс Ц.Нанзаддоржийг чөлөөлөх тухай хүсэлтийг хэлэлцэн дэмжлээ.

Ц.Нанзаддорж нь Нийгмийн даатгалын сангаас олгох тэтгэвэр, тэтгэмжийн тухай хуульд заасны дагуу өндөр насны тэтгэвэрт гарах болсон, гэр бүлийн гишүүнээ асрах шаардлага үүссэн тул үүрэгт ажлаасаа чөлөөлөгдөх хүсэлт гаргасан юм байна.

Байнгын хорооны хуралдаанд оролцсон гишүүдийн олонх нь дээрх хүсэлтийг хүлээн авах нь зүйтэй хэмээн үзсэн тул чуулганы нэгдсэн хуралдаанд оруулахаар болов.