Шинэ төв цэвэрлэх байгууламж дутагдаж байна

Шинэ төв цэвэрлэх байгууламж дутагдаж байна

Шинэ төв цэвэрлэх байгууламж дутагдаж байна

Аз жаргалын индексээр бусад улс оронтой өрсөлдөхүйц эгнээнд жагсдаг Улаанбаатарт асуудал мундахгүй. Улирлын чанартайгаас эхлээд нийгэм, эдийн засаг гээд дурдаад байвал олон. Үүний нэг нь хаврын хавсаргатай хамт хальдаг лагийн үнэр. Төв цэвэрлэх байгууламжийг шинэчлэх шаардлага үүссэн ч тус ажил таван жил хойшилж буй. Хойшлохын хэрээр лагийн үнэр хотын төвд тодорно. Салхигүй дулаан өдөр хүртэл лагийн үнэр сэнгэнэж байгаа нь нийслэлийнхэнд нэмэлт цэвэрлэх байгууламж зайлшгүй хэрэгтэй болсныг илтгэж байна. Гэлээ ч бүтээн байгуулалтын ажил нь он дамжсаар л. Хэдийгээр албаныхан энэ жил ашиглалтад оруулах ам гарсан ч ирэх сарын 1-нд эхлэх ажлыг лагийн үнэр хүлээж тэсэхгүй нь. Хаа нэг үнэртдэг бохир одоо агаар мэт тархжээ.

Төв цэвэрлэх байгууламжийн барилга угсралтын төслийн удирдагчийн өгсөн мэдээллээр "Энэ жил нийт 350 хятад ажилтан ажиллах бөгөөд барилга угсралтын ажлаа 90 хувьд хүргэхээр төлөвлөсөн. Өнөөдрийн байдлаар ажил 65 хувьтай үргэлжилж байна. Энэ хавар барилгын ажил эхэлбэл 2024 онд ашиглалтад орох төлөвлөгөөтэй байна. Гэвч барилгын үнийн өсөлтийн асуудал тулгарч байна" гэсэн юм.

Энэ бол асуудал. Үнийн өсөлт, цар тахлын хоригоос шалтгаалж шаардлагатай бүтээн байгуулалтын ажил саатах ёсгүй. Угтаа бол энэ өмхий зайсанд ч, төрийн ордоны гадна талбайд ч үнэртэж байгаа. Шийдвэр гаргах түвшний хүмүүс нь хамраа таглаад явдаггүй л бол тулгамдаад байгаа өмхийн асуудалд гол анхаарлаа хандуулна. Гэтэл цаг агаар дулаарахын хэрээр тодорсон үнэрт хэн арга хэмжээ авах талаар нэг ч мэдээлэл гарсангүй.

БАРИЛГЫН АЖИЛ ЗОГСВОЛ ҮНЭР ӨНГӨРСӨН ЖИЛЭЭС 3 ДАХИН НЭМЭГДЭНЭ

Шинэ төв цэвэрлэх байгууламж нь Сонгинохайрхан дүүргийн 20 дугаар хорооны нутаг дэвсгэрт, одоогийн цэвэрлэх байгууламжийн баруун талд био цөөрмийн талбайд баригдах зураг төсөлтэй. Тус бүтээн байгуулалтад нийт 17.7 га газрыг ашиглахаар төлөвлөсөн байдаг. Зээл нь жилийн хоёр хувийн хүүтэй, 20 жилийн хугацаатай. Эхний долоон жил зээлийн хүүгээс чөлөөлөгдөхөөр гэрээ байгуулжээ. Нийт санхүүжилтийн 95 хувь буюу 249.6 сая ам.долларыг Хятадын Засгийн газраас, таван хувь буюу 13.1 сая ам.долларыг Монгол Улсын Засгийн газраас гаргах заалттай.

Уг байгууламж хоногт 250 мянган м/куб бохир ус хүлээн авч цэвэрлэх хүчин чадал бүхий дэвшилтэт технологи ашиглан, эрчим хүч ба дулаан гаргаж авснаар үйлдвэрлэлийн дулаан, цахилгааны дотоод хэрэгцээний 34 хувийг хангах боломжтой. Хэрэв энэ жил тус ажил дахин хойшилбол лагийн үнэр 2-3 дахин тодрох нь гарцаагүй. Учир нь нийслэлийн хүн ам, орон сууцны барилга жил ирэх тутам өсч байгаа.

Цэвэрлэх байгууламжийн ажлын нарийвчилсан зургийг Францын “Артелиа Вил энд Транспорт” компанийн ТЭЗҮ-г үндэслэн БНХАУ-ын Шанхай хотын инженерийн зураг төслийн институт гүйцэтгэж байгааг албаныхан хэлсэн. Харин монгол хэл дээр хөрвүүлэх ажлыг “Сивил инженеринг консалтинг” болон “Криетив монголия” компанийн түншлэл хариуцаж байгаа аж. Бүтээн байгуулалтад ажиллах хүчний хувьд  50-иас доошгүй монголчууд байхаар гэрээндээ тусгасан бол тоног төхөөрөмжийн хувьд 100 хувь Хятадаас татна. Хүний нөөц, тоног төхөөрөмжөөс илүүтэй хөрөнгө мөнгөний асуудлыг шийдвэрлэж төв цэвэрлэхээ түргэн ашиглалтад оруулах нь чухал. Зуны дэлгэр цагт бохир үнэртэж алхмааргүй л байгаа бол хавраас урьтаж шийдвэр гаргах хэн нэгэн хэрэгтэй.

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2023-06-29 213.87.146.82

))) Халуун охид таныг хүлээж байна – – – – – https://tinyurl.com/y9p4r96k

Avatar

Нэргүй 2023-06-29 64.119.26.122

монгол инженерүүд нь ёстой боловсрол нойл юмнууд юм бна,техникийн,барилгын шугам зургаа уншиж мэдэхгүй ямар сонин гарууд байдгийм,ямар юмаа орчуулдгийн зургаа хараад л болоо ш дээ,хэл мэдэхгүй ч зургаа хараад солонгост барилгын чулууг яг таарсан газар нь олж тавиулж л явлаа чёрт гэж

Avatar

Хотын мэрийг солиоч 2023-06-29 202.9.46.25

Cумбузар гах мулгуу бөхөнцр УБ-ын энэ хоышлуулшгүй ажлыг ингэж 4 жил боймолж бхад МАН-ын удирдлг, Нийсллийн ИХурал таг чиг байж 1.5 сая хүнээр доог тохуу хийж бна даа. 1 сая жуулчн авна гэж бүлтрнэ???! Жуулчн бүү хэл УБ-ын суугчид нь ийн тэсэж чадахгүй бхад!!!

Avatar

Нэргүй 2023-06-29 202.126.88.172

АЖЛАА МЭДДЭГУЙ ОРОНЦОГ СУМЬЯАБАЗАР ХОТЫН ЯМАРЧ АСУУДЛЫГ ШИЙДЭЖ ЧАДАЛГУЙ ХИЙ ХООСОН ЦАГ БАРЖ ХОТЫН ХОГЖЛИЙГ БОЙМИЛЛОО ДОО ХАЙРАН ЦАГ

Avatar

Нэргүй 2023-06-29 202.126.89.227

Ард түмэн минээ. Энэ 100 жил идээд ханадаггүй МАНгасыг унагаад өгөөчэээ

Avatar

Нэргүй 2023-06-29 64.119.16.79

Барилга, гүүр, угтах хаалга, цэцгийн мандал хийхээ азнаж болохгүй юу. Тэр хөрөнгөөрөө шинэ цэвэрлэх багууламж, газар булчихсан цэвэр, бохир усны системээ шинэчлээчээ.

Avatar

Нэргүй 2023-06-29 202.55.188.125

2016 онд АН ажлаа өгөхөд ЗГ нь шинэ цэвэрлэх байгууламжийн төсөв санхүү бүх асуудлыг шийдчихсэн 1-2 жилийн дараа шинэ цэвэрлэх ашиглалтанд орно гэж байсан 7 жил өнгөрлөө, даанч МАН сурснаараа ажил нураадагаараа нурааж одоо хотын баруун захынхан өмхий утаанд утагдсаар. х****л идсэн МАН!!!!!!

Avatar

зочин 2023-06-29 150.129.141.33

1,5 сая хүнтэй хотод 2-3 цэвэрлэх байгууламж хэрэггүй ээ. Энэ бол цэвэр мэргэжлийн бус , ажлаа хийдэггүй хүмүүсийн л мөнгө олох гэсэн арга. Улаанбаатар хотын УСУГ-ыг мэргэжлийн байгууллага болгох хэрэгтэй. 6 сая хүнтэй Хонг Конг хот 1 цэвэрлэх байгууламжтай байдаг шүү.

Avatar

Зочин 2023-06-29 103.57.94.45

Сонгуульд зориулсан ажил л болсон байна шүү дээ. Хэдэн жилийн өмнө мөн сонгуулийн шоу болгож шинэ цэвэрлэх байгууламж буй болох нь гээд л байсан. Одоо дахиад л шоу болгож байна уу.

NewsMN Гар утасны хувилбар Татах
NEWS.mn

Мэдээллийн эх сурвалж