Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг өнөөдөр /2023.06.28/ Шадар сайд С.Амарсайхан танилцуулахдаа "Үндэсний их баяр наадмын тухай хуулийн 9.3-т аварга, арслан цолтой бөх түрүүлсэн тохиолдолд олгох цолны зохицуулалтыг орхигдуулсан нь хийдэл үүсгэж байна. Тиймээс улсын баяр наадамд түрүүлсэн бөхөд олгох цолыг нарийвчлан заах шаардлагатай байна.
Энэ хуульд допинг хэрэглэхийг хориглох, хэрэглэсэн тохиолдолд хүлээлгэх хариуцлагыг заасан боловч энэ нь зөвхөн улсын баяр наадмын барилдаанд хамааралтай бөгөөд аймгийн баяр наадам болон түүнтэй адилтгах барилдаанаас допингийн шинжилгээг зайлшгүй авах шаардлагатай байна. Тиймээс аймгийн баяр наадамд түрүүлж үзүүрлэсэн, шөвгөрсөн бөхчүүдээс допингийн шинжилгээ авахыг хуульчилахаар тусгалаа.
Мөн аймгийн наадамд 128-аас дээш 256 бөх барилдахыг Үндэсний их баяр наадмын тухай хуулиар хязгаарласан нь тухайн барилдаанд аймаг, сумын цолтой болон залуу бөхчүүдийг барилдуулах нөхцөлийг хангахгүй байна. Үүнийг өөрчилснөөр тэгш ойн баяр наадамд 256 бөх барилдуулах боломж бүрдэнэ. Түүнчлэн 1921 оноос эхлэн зохион байгуулж ирсэн Цэргийн баяр наадмыг зохион байгуулах, түүнд цол олгохтой холбоотой зохицуулалтыг Үндэсний их баяр наадмын тухай хуульд нэмж тусгах шаардлагатай байна. Тус наадамд түрүүлж үзүүрлэсэн бөхчүүдэд аймгийн баяр наадамд түрүүлж үзүүрлэсэн бөхчүүдтэй адилтах цол олгоно" гэлээ.
Үндэсний их баяр наадмын тухай хуулийн 9.3.6-д "Улсын арслан цолтой бөх ес даван түрүүлбэл улсын аварга; 9.3.7.улсын аварга цолтой бөх ес даван түрүүлбэл улсын даян аварга цол олгоно" хэмээн заахаар хуулийн төсөлд тусгажээ.
зочин 2023-06-28 66.181.166.196
Бөхчингүүд, тэднийг дагаж далдайгсад өөрсдөөс нь өөр хэнд ч хэрэггүй цол гээч юманд их ач холбогдол өгөх юм аа, уг нь энэ цол гээч хоосон цаасан малгай, ам авах гээч бас нэг үл бүтэх юмнаас салж, цагийн хязгаартай болж байж л бөх цааш цаг үетэйгээ нийцэж явмаар санагдах юм
Нэргүй 2023-06-28 213.87.158.159
Халуун охид таныг хүлээж байна – – – – – https://tinyurl.com/y9p4r96k
болор 2023-06-28 88.125.82.223
зодог тайлсан бөх барилдаад байвал яах вэ
Нэргүй 2023-06-28 103.57.92.173
самарсайхан увсынх тул хор найруулахаа болио. аварга цолтой бөх түрүүлбэл далай аварга болох ёстой шүү.
Нэргүй 2023-06-28 202.55.188.43
Далайн аварга цол чинь хасагдаад байсан биз дээ. Шууд даян дархан болохоор болсон санагдах юм. Хуулиа дүрмээ судал