Хятадын тагнуулын агаарын бөмбөлөг Япон, Тайванийн агаарын орон зайд ниссэнийг “BBC” илрүүлжээ. Япон улс ч бас өөрийнх нь нутаг нутаг дэвсгэр дээгүүр агаарын бөмбөлөг ниссэнийг баталж, ирээдүйд тэднийг харвахад бэлэн байгаагаа мэдэгдэв.

Зүүн Азийн шинжээч асан Жон Калвер хэлэхдээ “Энэ нь ганц удаагийн тохиолдол биш. Дор хаяж таван жилийн өмнөөс үргэлжилсэн байсан. Хятадын агаарын бөмбөлгүүдийг алсын зайн нислэгт зориулан тусгайлан бүтээсэн бөгөөд зарим нь бөмбөрцгийг тойрсон бололтой” гэжээ.

“BBC” агентлаг хиймэл оюун ухааны “Synthetaic” компанитай хамтран хиймэл дагуулаас авсан асар их хэмжээний өгөгдлийг шүүсний дүнд Зүүн Азийг гаталж буй агаарын бөмбөлгүүдийн зургийг илрүүлсэн байна. “Synthetaic” компанийн үүсгэн байгуулагч Кори Жасколски 2021 оны есдүгээр сард Японы хойд нутгаар нэг бөмбөлөг дайран өнгөрснийг нотлох баримт олж байжээ. Түүнчлэн мөн хугацаанд Тайпэй хотын дээгүүр агаарын бөмбөлөг ниссэн болохыг Тайванийн цаг уурын албаны авсан гэрэл зураг нотолсон байна.

Нэмж дурдахад, АНУ, Япон, Тайванийн дээгүүр ниссэн бөмбөлгүүдийн диаметр болон өндөр нь төстэй харагджээ. Тиймээс эдгээр нь цаг агаарын бөмбөлөг гэдэгтэй Кори Жасколски санал нийлэхгүй байгаа аж.

Эх сурвалж: BBC