Өөрөөсөө бусдыг үл тэвчигч Өмнөд Солонгос

Өөрөөсөө бусдыг үл тэвчигч Өмнөд Солонгос

Өөрөөсөө бусдыг үл тэвчигч Өмнөд Солонгос

Өмнөд Солонгос улсын төрөлтийн түвшин өнгөрсөн онд 0.78 болж, түүхэн доод хэмжээндээ хүрсэн. Хүн амын тогтвортой өсөлтийг хангахын тулд энэ тоо дор хаяж 2.1 байх ёстой. Гэтэл 2.1-ийн талд нь ч хүрэхгүйгээр үл барам Японоос хүртэл доогуур үнэлэгджээ. Японд төрөлтийн түвшин 1.3 байна.

Төрөлтийн асуудал хурцаар тавигдаж буй тул тус улсын засгийн газар эмэгтэйчүүдийг олон хүүхэд төрүүлэхийг дэмжихийн тулд хэдэн зуун тэрбум ам.доллар зарцуулж буй. Сүүлийн 16 жилийн хугацаанд тус улс үүнд 200 гаруй тэрбум ам.доллар зарцуулсан. Гэтэл кафе, ресторан гэх мэт хүүхэд орохыг хориглосон газрын тоо улам олшрох болсон нь дээрх хүчин чармайлтаа үгүйсгэсэн хэрэг болж байна. Сүүлийн жилүүдэд Өмнөд Солонгост хүүхдэд хориотой бүс маш алдартай болжээ. Тодруулбал, энэ нь насанд хүрэгчдэд саад тотгор учруулахааргүй, тайван орчинг бүрдүүлэх зорилготой.

Орон нутгийн судалгааны төвөөс мэдээлснээр зөвхөн Чежү арал дээр гэхэд л 80 орчим ийм бүс байдаг. Харин нутгийн бусад хэсэгт 400 гаруй бүс байна. 

Төрөлтийн түвшингээс гадна Өмнөд Солонгос улс нь хөгшрөлтөөрөө ч толгой цохиж байна. Өндөр настнууд олонтой дэлхийн бусад орны нэгэн адил тэдэнд ч бас тэтгэвэр, эрүүл мэндийн даатгалын асуудал нүүрлэсэн. Аажим аажмаар цөөрсөөр буй ажилчин ангийнхны татварын орлогоос тэтгэвэр болон эрүүл мэнд үйлчилгээ зэргийг санхүүжүүлэхэд улам хүндрэлтэй болж байна.

Шүүмжлэгчдийн үзэж буйгаар, засгийн газар мөнгөөр бүхнийг шийдэхийн оронд залууст хандах нийгмийн хандлагыг эхлээд өөрчлөх хэрэгтэй аж. Солонгос залууст үл хөдлөх хөрөнгийн үнэ, ажлын долоо хоног зэрэг эдийн засгийн түгшүүр маш их байдаг.

НИЙГЭМ ДАХИН ТӨРӨХ ЁСТОЙ

Өмнөд Солонгосын иргэдийн дийлэнх нь хүүхэдгүй бүсийг дэмжиж байгаа нь санал асуулгаар тодорхой болжээ. Тиймээс нийгмийн сэтгэхүйг өөрчлөх тийм ч амар биш гэж үзэж байна. Гэхдээ сүүлийн үед залуусын үзэл бодол өөрчлөгдөж магадгүй зарим нэг шинж тэмдэг ажиглагдах болсон. 

Тус улсын хууль тогтоогч Ён Хэ Ин хоёр настай хүүхэдтэй. Тэр Үндэсний ассамблейн хуралд хүүхдээ дагуулж ирсэн нь анхаарал татсан явдал болсон юм. Мэдээж энэ хуралд хүүхдээ авчрахыг зөвшөөрдөггүй. Тэр индэрийн өмнө хүүгээ тэвэрч зогсоод "Хүүхэдтэй өдөр тутмын амьдрал тийм амар биш. Манай нийгэм хүүхдүүдийг гадуурхдаггүй нийгэм болж дахин төрөх ёстой" гэж хэлжээ. Түүний хэлсэн үг хэвлэл мэдээллийн хэрэгслээр нэг хэсэгтээ цацагдсан. Ён Хэ Ин хүүгээ төрүүлснийхээ дараа нэгэн кафе руу орох гээд чадаагүй тухайгаа мөн ярьсан байна. "Би арчаагүй царайлж уйлсан. Нийгэм над шиг хүмүүсийг хүсэхгүй байгаа юм шиг санагдсан. Ажил хийдэг ээж нүгэлтэн мөн үү? Ажил хийдэг ээжүүдийг нүгэлтэн гэж хардаггүй нийгмийг бүтээхийн тулд би улс төр хийж байна" гэжээ.

Аялал жуулчлалын гол цэг Чежү арал дээрх хүүхдэд хориотой бүсүүдийг хориглох тухай анхны хуулийн төслийг тус улсын хууль тогтоогчид саяхан хэлэлцжээ. Хууль батлагдсан тохиолдолд энэ нь зөвхөн Чежү аралд л хамаарна. Яагаад гэвэл аялал жуулчлалаас ихээхэн хамааралтай байдаг тус аралд насны хязгаарлалт тогтоох нь зочломтгой байдлын нэр хүндэд сөргөөр нөлөөлнө гэж үзжээ. "Чежүд гэр бүлээрээ аялаж байгаа хүмүүс хүүхэд орж болохгүй гэдэг шалтгаанаас нь болоод зарим газарт очихоос дургүйлхдэг" гэж Өмнөд Солонгосын соёлын мэргэжилтэн хэлсэн байна. Өөрөөр хэлбэл, нэг талаас энэ нь бизнесийн боломжоо алдаж буй хэрэг юм.

Зарим шүүмжлэгч хүүхэдгүй бүсийг Өмнөд Солонгосын үндсэн хуультай харшилж байна гэж үздэг. Солонгосын Хүний эрхийн үндэсний комисс 2017 онд хүүхдэд хориотой бүсүүд нь хүний эрхийг зөрчиж байна гэж дүгнэж, албан ёсны мэдэгдэл хийсэн. Ингэхдээ хүйс, шашин шүтлэг, нийгмийн статусаар нь ялгаварлан гадуурхахыг хориглосон үндсэн хуулийн 11 дүгээр заалтыг эш татжээ. Мөн НҮБ-ын конвенцид “Хүүхдэд ямар ч үндэслэлээр шударга бус хандаж болохгүй” гэж заасан байдгийг дурджээ. 

Чежү дэх итали ресторанд гурван хүүхэдтэйгээ үйлчлүүлэх гээд чадаагүй нэгэн аавын өргөдөлд үндэслэн Солонгосын Хүний эрхийн үндэсний комисс ийм мэдэгдэл, уриалга гаргасан аж. 

Доорх зурагт Өмнөд Солонгос дахь хүүхдэд хориотой бүсүүдийг тэмдэглэжээ. Энэ нь зөвхөн хэрэглэгчдийн "Google Map" дээр тэмдэглэсэн газрууд юм. Тэмдэглэгдээгүй өөр газар ч бий.

ХАЛУУН ШӨЛНӨӨС НЭГ БОЛОВ

Өмнөд Солонгос улс хүүхдэд хориотой бүсийг хүлээн зөвшөөрөх болсон нь 2012 оноос эхтэй. Тодруулбал, тухайн үед нэгэн ресторанд үйлчлүүлж байсан хүүхэд халуун шөлөнд санамсаргүй түлэгдсэн хэрэг гарсан байна. Хүүхдийн ээж олон нийтийн сүлжээгээр ресторан руу дайрч, үймээн дэгдээж байв. Эхэндээ хүмүүс ээж, хүү хоёрыг өрөвдөж байсан ч сүүлд нь камерын бичлэг ил болсноор нөхцөл байдал өөрөөр эргэжээ.

Энд тэнд тойрон гүйж байгаа хүүхдээ болиулж, зан авирыг нь хазаарлаагүйд олон нийт ээжийг буруутгаж эхэлсэн байна. Энэ явдлын дараа олон нийтийн газарт бага насны хүүхдээ авч яваа эцэг эх, асран хамгаалагчийн үүрэг хариуцлагатай холбоотой сэдэв олон жилийн турш хэлэлцүүлэг болон өрнөжээ. Явсаар явсаар 2014 он гэхэд хүүхдэд хориотой бүсийн тоо нэмэгдэж эхэлсэн.

"Hankook Research" байгууллага 2021 онд судалгаа хийхэд 10 насанд хүрэгч тутмын долоо нь хүүхдэд хориотой бүсийг дэмжиж байв. Дэмжсэн хүмүүс нь зөвхөн хүүхэдгүй хүмүүс байсан уу гэвэл үгүй. Өмнөд Солонгост амар амгалан, нам гүм байх эрхийг бүрнээ хүлээн зөвшөөрдөг тул хүүхэдтэй хүмүүс ч энэ шийдвэрийг үндэслэлтэй гэж үзсэн аж. 

"Би хүүхэдтэйгээ гадуур явахдаа хөмсөг зангидмаар нөхцөл байдал олон хардаг. Хүүхдээ хараа хяналтгүй орхиж бусдад хохирол учруулдаг эцэг эхчүүд хаа сайгүй. Тиймээс хүүхэдгүй бүс гэж яагаад байдгийг би ойлгодог" гэж хоёр настай хүүтэй Ли И-ранг ярьжээ. Хоёр хүүхдийн ээж Ли Жи Юн ч бас "Энэ шийдвэрийг бизнес эрхлэгчдэд өөрсдөд нь үлдээх хэрэгтэй. Хэрвээ эцэг эхэд нь таалагдахгүй бол хүүхэд орж болдог өөр газар хайх хэрэгтэй" гэж хэлэв.

Өмнөд Солонгос улсад ээжүүдийг үзэн ядах хандлага хэдийнэ бий болсон гэдгийг мөн зарим хүн хэлж байна. "Ээжийн алдаа" гэх нэршил нь зөвхөн хүүхдээ л гэдэг, бусдыг үл тоомсорлодог эхчүүдээс улбаалан үүсчээ.

ХОРИОТОЙ БҮСҮҮД

Нийгэм зөвхөн балчир хүүхдүүдээ гадуурхаж байна гэвэл өрөөсгөл болно. Тус улсад өсвөр насныхан, ахмад настан, дунд насныхан ороход хориотой бүсүүд ч бий. Тухайлбал, Сөүл хотын нэгэн ресторан 49-өөс дээш насны хүмүүсээс эелдгээр татгалзжээ. Учир нь тэр насны эрчүүд эмэгтэй ажилчдыг дарамталж магадгүй гэж тэд үзсэн байна. Мөн Чежү дэх нэгэн амралтын газар 40-өөс дээш насны хүмүүсийг хүлээж авахгүй гэдэг шийдвэрээрээ багагүй шуугиан тарьжээ. Цаашилбал, "репперүүдэд хориотой", "блоггеруудад хориотой", "профессоруудад хориотой" зэрэг бүс ч байна.

Гэхдээ дээрх газрууд нь ихэвчлэн ижил төстэй логик баримталж байна. Энэ нь бусад үйлчлүүлэгчид саад учрахаас урьдчилан сэргийлэх гэсэн ойлголт юм. Жишээлбэл, зарим блоггер урьдчилан зөвшөөрөл авалгүйгээр ресторанд шууд очоод мукбанг шоугаа хийдэг. Үүнтэй холбоотойгоор "Youtuber"-үүдэд хориотой бүс нэлээн дэлгэрчээ.

20-30 насны солонгосчууд хувийн орон зай гэсэн ойлголтыг маш хүчтэй дэмждэг. Хүн ам зүйн асуудлаа шийдье гэвэл өөрөөсөө өөр хүнийг үл тэвчдэг хандлага, сэтгэлгээгээ өөрчлөх хэрэгтэй гэж мэргэжлийн хүн үзэж байна. Хууль санаачлах нь цорын ганц арга биш. Бага насны хүүхэдтэй гэр бүлүүд нь музей, амьтны хүрээлэн гэх мэт газраар үйлчлүүлэхийн тулд урт дараалал үүсгэсэн байдаг гадаадын улс орнуудаас суралцах хэрэгтэй гэж үзэж байна.

Эх сурвалж: CNN

Энэ мэдээнд өгөх таны сэтгэгдэл?
5
ХарамсалтайХарамсалтай
4
ТэнэглэлТэнэглэл
3
ГайхмаарГайхмаар
2
ХахаХаха
1
ЗөвЗөв
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Д Баярсайхан 2023-06-27 202.9.47.20

Бусад улс орны тухай сайн мэдээг сонсож бай,муу сайн аль аль нь байна шүү Бид ч элдвээр хэлүүлэх сайхан биш биз.Хов жив,хоосон хөөрүү зантай хүмүүс ,элдэв юм бичихээ больж үз!? Та бүхэнд сайхан бүхнийг хүсье!Баярлалаа

Avatar

Нэргүй 2023-06-27 213.87.161.182

== Халуун охид таныг хүлээж байна – – – – – https://tinyurl.com/y9p4r96k

Avatar

То 2023-06-27 202.55.188.116

Өмнөд Солонгосыг муулж болохгүй.Манай улсын эдийн засагт их нөлөө үзүүлж байгаа улс шүү.

Avatar

Нэргүй 2023-06-27 202.126.90.107

Ер нь хүүхдээ олон нийтийн газар сураагүйтбол дагуулаад шаагилдуулаад байх дэмий санагддаг. Ийм газар нээгдвэл орно. Үнэхээр стресстэй байдаг, орилж чарлана, хүмүүс сүлжиж гүйнэ, хүүхдүүдээ нийгэмшүүлээгүй бол гэрт нь байлга

Avatar

зочин 2023-06-27 103.212.117.33

Нээрээ хүүхдүүд хэцүү шүү.толгойөвдмөар орилж чарлаад

Avatar

Нэргүй 2023-06-27 103.212.119.187

маш зөв манайд ч бас ийм бүсүүд бий болоосой хүний эрх гэдэг бусадын эрх чөлөөгөөр хязгаарлагдах ёстой даан ч үржилийн чиглэлрүүгээ явж буй манайх шиг нийгэм хүлээж авахгүйлдээ 100к ийн төлөө люмпээнүүдииг зураг шиг хэвлэсээр

Avatar

То 2023-06-27 202.55.188.116

Улс үндэстний хөгжил хүн амаас их шалтгаалдаг юм.ИХ МОНГОЛ улс дор хаяж 20 сая хүнтэй байх хэрэгтэй.Энэ бол үндэсний аюулгүй байдал юм шүү.Болдог бол олон хүүхэд гаргасан эхэд хэдэн зуун саяыг өгмөөр байгаа юм.

Avatar

Нэргүй 2023-06-27 64.119.27.111

Ямаан омогтой, сагсуу, өмхий хангүгүүд боолын боол босгоны шороо явсанаа мартаад их сэхүүн болжээ. Хүүхэдгүй бол ирээдүйгүй гэсэн үг, улс үндэстэн үр хүүхдээ нэн тэргүүнд тавьдаг юм даа уг нь.

Avatar

Нэргүй 2023-06-27 66.181.161.120

Ингээ л мэдрэлтээд байдаг лөүзерүүд монголд олон байх юм. Үг нь хаад ноёд аштай байж байгаа нь африкуудын Түвшинд. Чамайг ингэлээ гээд хэн ч тоохгүй одоо жоохон ухаалаг байцгаа.

Avatar

Зочин 2023-06-27 192.82.87.2

За Манайхан энэ бол том боломж байгаа юм байна шүү ! Монголчууд бяд чинь хүүхэдүүдийн дуу чимээ шуугианд дуртай хайртай ард түмэн шүүдээ тэгхээр манай аялал жуулчлалынкан маань гадгаадчуудыг үрстэй нь цугт нь урьж залаад сайхан үйлчилээд дойлуур их олцгоо ! гол нь супер үүлчилэх !

Avatar

Нэргүй 2023-06-27 172.56.193.157

Хүүш. Энэ чинь яааг АНУ бн.

Avatar

зочин 2023-06-27 66.181.181.113

Өмнөд Солонгосыг би хамгийн эрх чөлөөтэй ардчилсан улс гэж боддог байлаа.

Avatar

Нэргүй 2023-06-27 103.229.121.137

Gadniihniig uchir utgagui het duraij daamjirval yavaandaa neg iimerhuu ur dund hurne shuu,mongolchuudaa,zarim zuiliig ch manaihan hetruuleed baidag shuu,iim l bolchihgui yamsan gej bodoj bn daa

Avatar

Монгол ч ялгаа юун 2023-06-27 66.181.161.218

Монгол ч бас ийм болж байгаа шүү дээ. Хүүхдүүд нь хэтэрхий эрх дураараа, нялцгай,хүний үг даахгүй…гэрийн амьтнаас долоон дор болж байгаа гэдгээ мэдэх хэрэгтэй

Avatar

Giichen 2023-06-27 64.119.24.32

Umnud solongos dahom nuraad dahin sereh tsag n duhujde tegvel

NewsMN Гар утасны хувилбар Татах
NEWS.mn

Мэдээллийн эх сурвалж