Европын орнуудад долоо хоногт ажиллах дундаж цаг харилцан адилгүй байдаг. Хагас цагийн ажилчид ихтэй улс орнуудад ажлын цаг богиноссон хандлага ажиглагдаж байна. Covid-19 цар тахал зэргээс хамаараад сүүлийн жилүүдэд хүмүүсийн ажиллах хэв маяг өөрчлөгдсөн. Зарим компани алсаас ажиллах уян хатан сонголтыг санал болгодог болсон бол зарим нь ажлын дөрөв хоногийн хэдийнэ туршиж эхэлжээ. 

Европын холбооны орнуудын 20-64 насны хүмүүс өнгөрсөн онд долоо хоногт дунджаар 36.2 цаг ажилласаныг судалгаагаар тогтоосон. Энэ нь 2019 он буюу цар тахлын өмнөх үеэс 24 минутаар бага үзүүлэлт юм. Аль улс хамгийн урт болон богино цагаар ажиллаж байгааг харвал нидерландчууд долоо хоногт 32.4 цаг, румынчууд 39.7 цаг ажиллажээ. Судалгаанд 20-64 насны бүтэн болон хагас цагийн ажилчид хамрагдсан.

Тэгвэл туркууд хамгийн урт ажлын цагаар буюу долоо хоногт 42.9 цаг ажилласан гэх мэдээлэл байна. Туркийн араас Монтенегро 42.8 цаг, Серби 42.3 цаг ажилласнаар удаалжээ. Эдгээр нь долоо хоногт дунджаар 40 цагаас илүү ажилладаг улс орнууд юм.

Дээр дурдсанчлан, өнгөрсөн онд хамгийн богино цагаар ажилласан орнуудын жагсаалтыг Нидерланд тэргүүлсэн. Нидерландын дараа 33.7 цаг ажилласан австричууд, 34.1 цаг ажилласан норвегичууд тус тус оржээ.

Эх сурвалж: EURONEWS