Урин дулаан цаг ирж, аялал жуулчлалын үе ирлээ. Зунтай зэрэгцээд цахим сүлжээний хэрэглэгчид амралт, зугаалгын зургаа нийтэлж эхэлдэг. Явсан газрынхаа зургийг нийтлээгүй л бол үнэхээр явсан эсэх нь эргэлзээтэй тул бүгд л зургаа даруулах гэж зүтгэнэ. Амралтынхаа үеэр чухал цахим шуудан илгээх, цахим хаягаа шинэчлэх зэрэг хэрэгцээ ихэнх хүнд байдаг. Тэгвэл Финландын Улько-Таммио арал жуулчдыг утаснаасаа хол байж, байгальд зугаацахыг уриалж байна. 

Улько-Таммио арал нь дэлхийн хамгийн анхны утасгүй жуулчны арал болжээ. Тус арал нь зургаан жил дараалан дэлхийн хамгийн аз жаргалтай улсаар шалгарсан Финландын зүүн буланд байрладаг. Финландын 41 үндэсний цэцэрлэгт хүрээлэнгийн нэг болох Улько-Таммиод хүн амьдардаггүй ч олон төрлийн ховор шувуу, ургамал байдаг. 

"Улько-Таммио арал энэ зун утасгүй бүс болно. Бид амрагчиддаа ухаалаг утаснуудаа унтрааж, арлыг чин сэтгэлээсээ таашаахыг уриалмаар байна" гэж арлын аялал жуулчлалын мэргэжилтэн Матс Селин ярьжээ. Гэхдээ жуулчдад зориулсан дижитал хоргүйжүүлэх арга хэмжээнд оролцох нь сайн дурынх аж. 

Эх сурвалж: CNN