Хятадын зүүн өмнөд Жианши муж дахь Аж үйлдвэрийн политехникийн коллежийн оюутан сургуулийнхаа цайны газарт хооллож байгаад, аяганаасаа хачирхалтай зүйл олсон хэрэг зургадугаар сарын 1-нд гарсан. Тухайн оюутан хар өнгийн үсэрхэг зүйл хоолноосоо олсон бөгөөд үүнийгээ хархны толгой байсан гэжээ. Гэвч цайны газрын ажилтан тухайн зүйлийг нугасны мах гэж хариулсан байна. 

Энэ бичлэг цахим сүлжээнд тарснаар Хятад даяар шуугиан дэгдээжээ. Аж үйлдвэрийн политехникийн коллежоос зургадугаар сарын 3-ны өдөр уг зүйлийг нугасны хүзүү байсан гэж мэдэгдэл хийсэн байна. Гэвч эрх баригчид энэ баталгааг үгүйсгэж, хархны толгой мөн гэсэн дүгнэлтийг гаргалаа. 

Хятад улсад хүнсний аюулгүй байдлын асуудал хурцаар хөндөгдсөөр ирсэн. Тус улсын эрх баригчид зохицуулалтаа чангатгаж, үе үе арга хэмжээ авч байгаа ч дуулиан, шуугиан тасрахгүй л байна.

Энэ хэргийн дараа цахим ертөнцөд янз бүрийн эвлүүлсэн зураг, хошин яриа таржээ. Тухайлбал, Диснейн дүр Микки Маус, доналд нугас хоёрыг нэгтгэсэн шинэ амьтныг фотошопоор зурсан байв. Мөн Чин гүрний үед бугыг морь гэж нэрлэх явдал байсныг эш татан, "Одоо цагт хархыг нугас гэж дууддаг болсон" гэсэн онигоо ч гарчээ. Ийнхүү олон нийтийн шүүмжлэл, тохуурхал ихэссээр байсан тул зургадугаар сарын 10-нд мужийн захиргаанаас шалгалт явуулсан байна. Улмаар долоо хоногийн дараа шалгалтын албаныхан гадны биетийг нугасны хүзүү биш гэж дүгнэжээ. 

Эх сурвалж: CNN