Дуурь, бүжгийн эрдмийн театрын балетын гоцлооч Ө.Мөнхжин АНУ-д зохион байгуулж буй олон улсын балетын жүжигчдийн нэр хүндтэй "USAIBC" тэмцээний сүүлчийн шатанд шалгарчээ. Монголоос гурван уран бүтээлч оролцож, Ө.Мөнхжин шалгарч үлдсэн байна. Өлзийжаргалын Мөнхжин нь 2010-2018 онд ОХУ-ын Пермь хотын Сонгодог бүжгийн сургуулийг балетын жүжигчин мэргэжлээр амжилттай суралцаж төгссөн бөгөөд 2018 оноос Дуурь бүжгийн эрдмийн театрт балетын жүжигчнээр ажиллаж буй юм. Тэрбээр 2017 онд БНХАУ-ын Бээжин хотод зохион байгуулсан “IBCC 2017” тэмцээнээс "Тусгай байр"-ын шагнал, 2019 онд ОХУ-ын Улаан-Үдэ хотод зохион байгуулсан "Орос-Япон Евро Азийн" балетын анхдугаар тэмцээнээс дэд байрын шагналыг тус тус хүртсэн.
Залуу уран бүтээлч Монголынхоо балетын урлагийг дэлхийн давцнаа цуурайтуулж явна.
Тэрбээр өмнө нь ярилцлага өгөхдөө "Би найман настайдаа спортын гимнастикаар хичээллэж эхэлсэн. Хоёр жил тууштай явсан. Харин нэг өдөр ээж маань хоёулаа хамт яваад нэг шалгалт өгчихөөд ирье гэсэн. Хөгжим бүжгийн коллеж дээр ирж, шалгалт өгөв. Тэгтэл шалгалтад тэнцэж, тэгээд л шууд нэг өдөр балет руу орж, Орост очиж суралцахаар болсон. Надад ОХУ-ын Ерөнхийлөгч В.В.Путины тэтгэлгээр Пермь хотын Бүжгийн урлагийн сургуульд суралцах завшаан олдсон юм. Монголоос бид 12-уулаа суралцаж байлаа. Социализмын үед Монголоос маш олон оюутан манай сургуульд суралцаж, төгсдөг байсан юм билээ.
Бид найман жил суралцсан. Эхний гурван жилд монгол оюутнуудтайгаа гол төлөв байсан болохоор хэл сайн сураагүй, бэрхшээл их учирна. Дөрөв дэх жилээс нь оросуудтай харилцаж эхэлснээр хэлийг нь сурсан" тухай ярьж байв.
Батсайхан 2023-06-19 139.5.218.88
Мундаг, онц байна
Нэргүй 2023-06-19 202.9.40.238
баяр хүргэе, би д чамаар бахархаж байна
Нэргүй 2023-06-19 213.87.156.92
>>>> Халуун охид таныг хүлээж байна – – – – – https://tinyurl.com/y9p4r96k
Зочин 2023-06-19 202.9.40.34
дэлхийд бахдхаар нэрээ гаргаж яваа МОНГОЛ хүүдээ баярлалаа
Зочин 2023-06-19 202.9.40.34
бүр Соц үеэс л Монголд Оросуудын буянаар дэлхийн сонгодог сайн нэвтэрч олон арван мундаг хүмүүсийг тэд бэлтнэн өгч гаргасандаа. Үүний ачаар бид дэлхийн сонгодогийн хөгжлөөс хоцроогүй, бахархах юмтай явж ирсэн нь бидний бас нэгэн бахдал
Нэргүй 2023-06-19 203.91.115.54
Гоё юмаа. Бахархаж байна. Амжилт хүсье.
Нэргүй 2023-06-19 202.55.188.108
Mundag yuma… hamgiin sain saihan buhniig husie!
Ган 2023-06-19 202.72.243.182
Амжилт хүсье. Түрүүлээд ирээрэй.
Нэргүй 2023-06-19 66.181.161.65
mundag ymaa. yuun han kite uba tsaashaa hhe