Монгол Улсын Их Хурлын Ерөнхий нарийн бичгийн дарга Л.Өлзийсайхан болон Парламентын номын сангийн төлөөлөл УИХ-ын дарга Г.Занданшатарын санаачилгаар УИХ-ын Тамгын газраас хэвлүүлсэн “Үндсэн үлгэр” номыг өнөөдөр (2023.06.15) Үндэсний номын санд гардуулж өглөө. Мөн нийслэл, аймаг орон нутгийн номын сангийн сан хөмрөгийг баяжуулах номын дээжийг хүлээлгэн өгөв.
“Үндсэн үлгэр” нь Монгол Улсын Үндсэн хуулийн үзэл баримтлал, ардчилал, хүний эрхийн талаарх суурь ойлголтуудыг хүүхэд багачуудад ойлгомжтойгоор хялбаршуулан тайлбарласан ном юм.
Монгол Улсын Их Хурлын Ерөнхий нарийн бичгийн дарга Л.Өлзийсайхан, Монгол Улсын Үндэсний номын сангийн захирал Б.Ичинхорлоо нар 2023 оны 5 дугаар сарын 26-ны өдөр “Хамтын ажиллагааны санамж бичиг”-т гарын үсэг зурсан бөгөөд Санамж бичгийн хүрээнд хэрэгжүүлэх арга хэмжээний төлөвлөгөөний төслийн талаар талууд санал солилцлоо.
“Хамтын ажиллагааны санамж бичиг”-т цахим номын сангийн КОХА систем нэвтрүүлэх, сан хөмрөгийг хадгалах, хамгаалах, хамтран ашиглах, сэлбэн засах, сэргээн засварлах болон мэдээллийн сан, каталог хөтлөх талаар харилцан мэргэжил, арга зүй, техникийн туслалцаа үзүүлэх, хүний нөөцийг чадавхжуулах, ур чадварыг дээшлүүлэх чиглэлээр хамтран ажиллахаар тусгасан юм. Энэ хүрээнд талууд Улсын Их Хурлын Тамгын газраас эрхлэн гаргадаг ном, хэвлэлийн ном зүйг Үндэсний цахим ном зүйн нэгдсэн мэдээллийн санд оруулах, Улсын Их Хурлаас эрхлэн гаргадаг “Төрийн мэдээлэл” эмхэтгэлийг цахимжуулж, метадата үүсгэх ажлыг үе шаттай хэрэгжүүлэх, шаардлагатай ном хэвлэлийг сэлбэн засах, ариутгах чиглэлээр хамтран ажиллах, шинэ ном, хэвлэлийн мэдээ болон номын сан хоорондын ном солилцоо хийх талаар төлөвлөн, үе шаттай хэрэгжүүлэх талаар санал солилцсон юм.
Улсын Их Хурлын Ерөнхий нарийн бичгийн дарга Л.Өлзийсайхан, орчин үед парламентын номын сан нь хэр хөгжсөн, ямар түүхтэй, хэр баялаг сан хөмрөгтэй, хуулийн сан нь ямар байгаагаар парламентын хөгжлийг тодорхойлж байна. Парламент нь хууль тогтоох, төлөөлөх, хяналт тавих гэсэн үндсэн чиг үүргээс гадна соён гэгээрүүлэх чиг үүргийг хэрэгжүүлэх хандлага олон улсад бий болжээ. Энэхүү соён гэгээрүүлэх чиг үүргээ парламентын номын сангаараа дамжуулан, иргэдэд нээлттэй, ээлтэй үйлчилгээ үзүүлэн хэрэгжүүлж байна гэлээ. Тэрбээр, парламентат ёс өндөр хөгжсөн орнуудад парламентын номын сан нь парламентын уураг тархи гэж үнэлэгддэг. Иймд Улсын Их Хурлын Тамгын газар, Үндэсний номын сан хамтран ажиллаж дээр дурдсан чиглэлд илүү ахиц дэвшил гаргана гэдэгт итгэж байна гээд цаашид Үндэсний номын санд хууль тогтоомж сурталчлах төрөлжсөн уншлагын танхим бий болгох боломжийн талаар санал солилцлоо.
Үндэсний номын сангийн захирал Б.Ичинхорлоо, Хамтын ажиллагааны санамж бичгийн хүрээнд 2023-2024 онд хэрэгжүүлэхээр төлөвлөж буй ажлуудаас хамгийн сонирхолтой нь “Төрийн мэдээлэл” эмхэтгэлийг цахимжуулж, хэрэглэгч түлхүүр үгээр хайсан хууль, тогтоомжоо хялбар олж авах бололцоог бүрдүүлэх явдал юм гэлээ.
Дараа нь Улсын Их Хурлын Ерөнхий нарийн бичгийн дарга Л.Өлзийсайхан Монгол Улсын Үндэсний номын сангийн эртний ном, судрын эх хувийг дижиталчлах үйл ажиллагаа болон ном, хэвлэл цахимжуулах үйл явцтай танилцлаа хэмээн УИХ-ын Хэвлэл мэдээлэл, олон нийттэй харилцах газраас мэдээлэв.
Нэргүй 2023-06-16 192.42.116.197
)) Халуун охид таныг хүлээж байна – – – – – https://tinyurl.com/y9p4r96k
DR WAYNE CURL 2023-06-16 197.210.78.201
Доктор Уэйн Кёрлд талархал илэрхийлэхийн тулд энэ хэрэгслийг ашиглахыг хүсч буй бүх хүмүүст мэндчилье
DOCTORWAYNECURL@OUTLOOK.COM Энэтхэгийн Венката мэргэжлийн эмнэлгээс
Эмнэлэг эхний хагаст төлсөн 805,000 доллараар миний бөөрийг худалдаж авсан
Тэд эмнэлгийн мэргэжилтнүүдээ ирж сонгохоос өмнө 403,000 доллар төлсөн
Намайг эх орноосоо Энэтхэгт ах дүү нартаа эмнэлэг төлж байсан
Миний замын зардалд зориулж, тэд намайг зөв харж, эмчилсэн
Би чамд миний биеийн бүх хэсгийг харуулах газар байгаасай гэж х
Үлгэрийн далай, балай хүүхэн 2023-06-16 121.50.42.123
Ямар юмных нь Үндсэн үлгэр байдаг юм. Өлзийсайхан гэж балиар хорчин авгайдаа. Дарга нарт далдайж, долойно. Хамтран зүтгэгчдийнхээ араас хутга шааж, шагналд нь албан тушаал олно. Ажилтантайгаа ил цагаан ажлын байран дээрээ явалдана. Монголын төрийг ийм л хүмүүс бузартуулж байна даа. Одоо болохоор нүүрэндээ худлаа имээмсэглэл тодруулсан, энхийн цагаан тагтаа цариалаад л… Ирэх сонгуульд квот горьдчихсон гүйж яваа биз. Занданшатарыг ч цагаа тулахаар түгжилдэж чадах мөн чанартай авгайдаа.