Турк эмч нар Монголд хийдэггүй мэс заслыг амжилттай хийв

Турк эмч нар Монголд хийдэггүй мэс заслыг амжилттай хийв

Турк эмч нар Монголд хийдэггүй мэс заслыг амжилттай хийв

Эрүүл мэндийн хөгжлийн төвийн урилгаар ирсэн БНТУ-ын “Emsey” эмнэлгийн профессорын баг Гэмтэл согог судлалын үндэсний төв /ГССҮТ/, Улсын гуравдугаар төв эмнээлг /УГТЭ/, Эх хүүхдийн эрүүл мэндийн үндэсний төв/ЭХЭМҮТ/-д ажилласан байна.

Энэ үеэрээ Монгол Улсад эмчлэгдэх боломжгүй өвчний эмчилгээг нутагшуулах, эмч мэргэжилтнийг чадавхжуулах зочин профессорын хөтөлбөрийн хүрээнд нуруу, нугасны төрөлхийн гажиг, нурууны мурийлт болон хүүхдийн зүрхний мэс заслын багийг чадавхижуулах ажлын байрны сургалтыг явуулж, Монголын эмч мэргэжилтнүүдтэй хамтарсан конференц зохион байгуулан хэлэлцүүлэг өрнүүлснээс гадна өөр өөрийн чиглэлээр үзлэг, оношилгоо хийж, нэн шаардлагатай өвчтөнд үнэ төлбөргүй мэс засал хийжээ.

Тухайлбал, ГССҮТ-д нуруу нугасны төрөлхийн гажиг, нурууны мурийлттай 150 гаруй, УГТЭ-т 10 хүүхдэд хамтарсан үзлэг хийжээ. Үзлэгт хамрагдсан хүүхдүүдээс хоёрыг нь сонгон ГССҮТ-ийн Нуруу, нугасны мэс заслын тасгийн эмч нартай хамтран нурууны мурийлт засах мэс заслыг хийсэн бол УГТЭ-ийн эмч нартай хамтран гол судасны нарийслыг авч хиймэл судас залгах, дөрвөлсөн гажиг буюу ховдол хоорондын цоорхой нөхөх, уушгины артери өргөсгөх, баруун ховдлын гарах хэсгийг өөлөх, уушгины артерийн хавхлага өөрийн эдээр хийх мэс засал хийсэн нь Монгол Улсын хувьд анхны мэс засал болжээ.

Түүнчлэн дэд профессор, доктор Мехмед Аядоган “Өсвөр үеийнхний идиопатик нурууны мурийлт орчин үеийн эмчилгээний аргууд” сэдвээр, профессор, доктор Мустафа Кемал ЭХЭМҮТ-д “Төрөлхийн зүрхний өвчлөл, түүний мэс заслууд” сэдвээр сургалт зохион байгуулжээ.

Энэ мэдээнд өгөх таны сэтгэгдэл?
12
ЗөвЗөв
3
ТэнэглэлТэнэглэл
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Нэргүй 2023-06-10 66.181.161.254

Мундаг эмч нартаа маш их баярлалаа. Үнэхээр мундаг алтан гартай эмч нар байна лээ. Цаашдынх нь ажил хөдөлмөрт амжилт хүсье та бүхэндээ. 👏👏👏😍

Avatar

Нэргүй 2023-06-10 66.181.161.139

Монгол хүн илүү чадвартай. сэтгэлтэй. нэг халтар бол төсөл шүү дээ.

Avatar

Нэргүй 2023-06-10 213.87.134.108

!!!!! Хамгийн сайн тавтай морилно уу секс болзоо сайт – – – https://tinyurl.com/y9p4r96k

Avatar

Ii 2023-06-10 150.129.143.111

Mundag

NewsMN Гар утасны хувилбар Татах
NEWS.mn

Мэдээллийн эх сурвалж