Үндэсний соёл амралтын хүрээлэнд өнөөдөр /2023.06.10/  ‘ICT EXPO – 2023″ арга хэмжээ болж байна.

Уг арга хэмжээгээр дотоодын 150 гаруй мэдээлэл технологи, харилцаа холбооны салбарын бизнес эрхлэгч, старт ап компаниудыг олон нийтэд таниулах, Монгол хүний оюун ухаанаар бий болсон амьдралыг хөнгөвчилж, бүтээмжийг нэмэгдүүлэх шийдлүүдийг сурталчлахад чиглэсэн ажлуудыг зохион байгуулах юм гэж Цахим хөгжил харилцаа холбооны сайд мэдэгдлээ.

Мөн энэ үеэр иргэд тоон гарын үсэг авахаас гадна Гэрэгэ коск ашиглан бүх төрлийн лавлагаа, тодорхойлолт авах, Гэрэгэ киоск болон Гэрэгэ пос-оос TapPay цахим зээл авах, Гэрэгэ системс болон охин компаниудын талаар мэдээлэл авах, хамтран ажиллах боломжтой юм байна.

Сануулахад "ICT EXPO 2023" арга хэмжээ өчигдөр эхэлсэн бөгөөд өнөөдөр хоёр дахь өдрөө үргэлжилж буй нь энэ аж. Тус арга хэмжээгээр өчигдөр харилцаа холбооны салбарыг хөгжүүлэх хүрээнд гадаадын хөрөнгө оруулагчдаас хөрөнгө татах ажлыг зохион байгуулжээ.

Г.ХОРОЛ