Ерөнхий сайд Илон Масктай цахилгаан машины хэрэглээ, ногоон технологийг нэвтрүүлэхээр ярилцлаа

Монгол Улсын Ерөнхий сайд Л.Оюун-Эрдэнэ өнөөдөр АНУ-ын “Tesla”, “SpaceX” компанийн гүйцэтгэх захирал, “Twitter” компанийн технологи хариуцсан захирал Илон Масктай цахимаар уулзаж, хамтын ажиллагааны талаар санал солилцлоо.

Уулзалтын үеэр Ерөнхий сайд “Tesla” компанийн салбарыг Монгол Улсад байгуулбал татвар болон эрх зүйн орчноор дэмжихээ илэрхийллээ.

Дэлхий дахинд цахилгаан машины хэрэглээ, ногоон технологийг нэвтрүүлэх түүний үйлсийг дэмжиж буйгаа онцлов. Иргэдээ цахилгаан машины хэрэглээнд уриалж Ерөнхий сайдын хувиар хувь нэмрээ оруулахаа илэрхийллээ. Мөн “Тesla” компанийн бүтээгдэхүүний гол түүхий эд болох зэс болон газрын ховор элементийг хамтарч ашиглах судалгааны ажлыг эхлүүлэх, уул уурхайн том оврын авто машиныг цахилгаан хөдөлгүүртэй болгоход дэмжлэг үзүүлэх, Монгол Улсын шилдэг IT инженерүүдийг сургах тэтгэлэгт хөтөлбөр санаачлахыг Илон Маскаас хүслээ.

Илон Маск Монгол Улсын Ерөнхий сайдтай цахимаар анх удаа уулзаж буйд талархал илэрхийлээд баялаг түүхтэй Монгол орныг сонирхдог, боломжтой цагтаа Монголд зочилно. Монголд цахилгаан авто машины хэрэглээг нэмэгдүүлж, хамтарч ажиллахдаа таатай байх болно гэлээ.

Ерөнхий сайд Л.Оюун-Эрдэнэ 2023 оны долдугаар сард Улаанбаатар хотод болох Монголын Эдийн засгийн форум ноён Илон Маскийг хүрэлцэн ирэхийг урилаа.

Эх сурвалж: ЗГ

14 сэтгэгдэл

Хариулахаа болих

Дорж 2023-06-06 46.34.193.14

Оюун-Эрдэнэ юу гэж Маск-д ажлаа тайлагнах вэ дээ?
Гарчиг нь утгагүй байна.

Хариулах

Зочин 2023-06-06 202.126.89.143

Энэнд баясдаг цаг нэгэнт өнгөрчээ. 1-д Элон маск хэзээ ч хөрөнгө оруулахгүй. Яагаад гэвэл Орос Хятадын дунд орших улсаас түүхий эдийн хараат байдлыг хүсэхгүй. 2-т хөрөнгө оруулалт хийхгүй бидний худалдан авах чадвар америкийн захын хотоос муу. Ашиг олохгүй газар хөрөнгө оруулахгүй. Ашиг олдог байлаа гэхэд энэ нь Монгол улсад сөрөг нөлөөтэй эдийн засгийн хувьд валют гадагшилна. Ямар ч тохиолдолд бүтэхгүй худлаа сенсаац пр. Энэний оронд хүнээ хөгжүүлэх чадвараа сайжруулах тэднийгээ дэмжсэн юм хий

Зочин 2023-06-06 122.201.23.83

манайх хуучин комнист орос сэтгэлгээнээс салаагүй байж хөгжил яриад хэргүй ээ даргаа

Бидний Монгол 2023-06-06 192.82.91.90

Монголд орж ирэх сонирхол илэрхийлсэн хөрөнгө оруулагчдыг шийдвэр гаргагчид "надад ямар" ашигтай вэ гэдэг сэтгэлгээ Монгол Улсыг сүйрүүлж байсан. Энэ уулзалт нь бид тэр сэтгэлгээнээс салж буй илэрхийлж байгаа бус уу. Баяр хүргэе.

ККК 2023-06-06 202.9.46.16

мэдрэл минь чи газар дээр б** эсвэл илон масктай хамт очиж марё гариг дээр амьдар. ӨНӨӨДӨР ЦАХИЛГААН МАШИН МАШ ӨНДӨР ӨРТӨГТЭЙ БАЙНА. 150-100 САЯ ЗА БҮР ЖИЖИГХЭН ХӨДӨӨ ГАДАА Ч ЯВЖ ЧАДАХГҮЙ МАШИН Л ГЭХЭД 20 Д САЯ. ТҮҮНЧЛЭН МЭДЭЭЖ ЭКО НОГООН ГЭДГИЙГ ЧИНЬ ДЭМЖИЖ БАЙНА ГЭХДЭЭ ЯМАР ХЭМЖЭЭ ХЯЗГААР ГЭЖ БАЙХ ЁСТОЙ 70 НАСТАД Ч ДАРУУЛГА ХЭРЭГТЭЙ ГЭЖ. ЧИ ЭКО ЗЭЭЛ 3 САЯ ХҮНИЙ ХЭДЭН ХҮН АВЧ ЧАДДАГ ГЭЖ БОДОЖ БАЙНА ЭНЭ БОЛ СЭНХРҮҮЛЭЛ ЮУ Ч ХИЙХГҮЙ ЗҮГЭЭР АЖИЛ ХИЙСЭН БОЛЖ ХАРАГДАХ ӨНГӨЛӨН ДАЛДЛАЛТ

Зочин 2023-06-06 103.161.242.176

manai hun tesla avahaar shiidej l dee.

Buyn uildej chadna. 2023-06-06 202.126.89.203

Bayn hun mash ih Buyn uildej chadna.

Зочин 2023-06-06 202.70.34.98

Та нар чинь яачихсан хүмүүс вэ. Бүх л юмыг буруугаар харж, харлуулж байх юм. Улстөрийнхөнд муу үйлдлүүд их байгаа нь үнэн. Хамгийн гол нь түүнтэй тэмцэж байгаа нь сайн. Өмнө нь ингэж далайцтай тэмцэл өрнүүлж байсангүй. Тиймээс энэ засгийн газрыг дэмжээд байгаа. Тесла орж ирвэл дэлхий анхаарч, хөрөнгө оруулалтыг татах таатай уур амьсгал бий болно. Бид сайн үйлдлийг дэмжих ёстой. Дандаа муулсан, буруутгасан, харлуулсан, хагалж бутаргах гэсэн сэтгэхүйгээсээ салцгаая.