Гаалийн байгууллага нь 70 ажлын байранд сонгон шалгаруулалт зарлаад байна. Сонгон шалгаруулалтад оролцох хүсэлтэй иргэдийн материалыг зургадугаар сарын 9-ний 17.00 цаг хүртэл хүлээн авах аж.

Засгийн газраас зарласан “Шүүр” ажиллагаагаар Гаалийн байгууллагаас өнгөрсөн тавдугаар сарын 1-нд  61 албан тушаалтан чөлөөлөгдсөн. Ингэхдээ Төрийн албаны тухай хуульд заасан ерөнхий шалгалт өгөөгүй 61 албан тушаалтныг чөлөөлсөн юм. Иймээс дээрх сул орон тоонд ажлын байрны сонгон шалгаруулалт зарлажээ.

ТАВИГДАХ БОЛЗОЛ, ШААРДЛАГА:

• Төрийн алба, төрийн жинхэнэ албан тушаалд зохих ёсоор томилогдсон байх;
• Зарлагдсан албан тушаалтай адил төрөл болон адил ангилалд ажилладаг байх;
• Зарлагдсан албан тушаалын тодорхойлолтод заасан тусгай шаардлагыг хангасан байх.

БҮРДҮҮЛЭХ БИЧИГ БАРИМТ:

1. Хүсэлт
2. Төрийн албан хаагчийн анкет /шинэчлэгдсэн/
3. Иргэний үнэмлэхийн хуулбар
4. Төрийн албан хаагчийн тангаргийн хуудас
5. Боловсролын түвшинг тодорхойлсон баримт бичиг
6. Нийгмийн даатгалын дэвтэр болон шимтгэл төлсөн цахим лавлагаа
7. Ажилд томилогдсон тушаалын хуулбар
8. Эрүүгийн хариуцлага хүлээж байгаа болон байсан эсэх тухай тодорхойлолт / байгаа болон байсан эсэх 2 тодорхойлолт
9. Сахилгын шийтгэлтэй эсэх тодорхойлолт/ 2023 оны байдлаар сахилга, ёс зүйн зөрчил гаргаж арга хэмжээ авагдсан эсэхийг байгууллагын хүний нөөцийн нэгжийн даргын тодорхойлолт /
10. Сэтгэцийн эрүүл мэндийн тодорхойлолт / Сэтгэцийн эрүүл мэндийн үндэсний төвийн/
11. Төрийн жинхэнэ албан хаагчийн гүйцэтгэлийн төлөвлөгөөний үнэлгээний хуудас /2022 оны / 12. Цэргийн жинхэнэ алба хаах үүрэг хүлээсэн иргэний хувьд цэргийн үүрэгтний үнэмлэх зэргийг Гаалийн ерөнхий газрын 605 тоотод ирүүлэх аж. Дэлгэрэнгүй мэдээллийг энэхүү линкээр орж үзэх боломжтой.

https://www.customs.gov.mn/wp-content/uploads/2023/06/%D0%A2%D0%90%D0%97-%D0%97%D0%B0%D1%80-%D0%BB%D0%B0%D1%81%D1%82.pdf?fbclid=IwAR3N-5tT-w4eWfYS3SWqmCm0dSuKLgAqku2osI3v6HWfDshs7sXOKayGNKQ

Г.ХОРОЛ