Орон нутгийн тийз хямдарсан ч эрэлт бага хэвээр байна

Зам, тээврийн хөгжлийн яамнаас орон нутгийн нислэгийн тоог нэмж, тийзийн үнийг хямдруулна гэдгийг мэдэгдээд хагас жил өнгөрч буй. Тиймээс энэ асуудлыг Засгийн газар анхааралдаа авч ирэх долдугаар сарын 1-нээс орон нутгийн нислэгийн тийзийн үнийг 50-70 хувь хямдруулахаар болсныг ЗГХЭГ-ын дарга Д.Амарбаясгалан мэдэгдсэн. Тодруулбал, ирэх сараас эхлэн агаарын тээврээр зорчдог есөн аймагт билетийн үнийг хядруулахаар болсон билээ.

Гэвч хэт өндөр үнэтэй тийзийн үнэ тодорхой хэмжээнд буурсан ч эрэлт бага байхыг иргэд хэлж байгаа юм. Учир нь жуулчдын ихээр ирдэг улиралд агаарын тээврийн авиа компаниудын үнэ тэнгэрт хаддаг бөгөөд дотоодынхон төдийгүй жуулчид ч сонгодоггүй болохыг хэлж буй.

Тиймээс нэгдсэн зохицуулалтыг сайжруулж, цаашид ч орон нутгийн нислэгийн үнийг хямдруулахыг иргэд төдийгүй аяллын компаниуд хүсч байна.

Өнөөдрийн байдлаар агаарын тээвэрлэгч 11 авиа компаниас "Хүннү Эйр", "Аэро Монголиа" зэрэг компани орон нутгийн чиглэлд нислэг үйлдэж байна. Эдгээр компанийн нислэгийн тухайд Баян-Өлгий чиглэлд 724-880, Ховд чиглэлд 576-826 мянга, дунджаар 600 төгрөгийн үнэтэй нисч байгаа юм.

Мөн долоо хоногт тогтмол 1-2 удаагийн төлөвлөгөөт нислэгтэй. Хэдийгээр өнгөрсөн оны 9-10 дугаар сард тийзийн үнийг 150-200 мянгаар хямдруулсан ч зорчигч цөөн байгаа тул үнээ нэмж магадгүйг хэлж байгаа юм. Тиймээс тийзийн бодит хямдрал эхлэх хүртэл нэгдсэн мэдээлэл өгөхгүй боломжгүй гэлээ.

ГАДААДЫН ЖУУЛЧИД Ч ТИЙЗ ҮНЭТЭЙ БАЙГААГ ХЭЛЖ БАЙНА

Монгол Улс аялал жуулчлалыг хөгжүүлж чадвал уул уурхайн бус салбараар эдийн засгаа сэргээнэ. Харамсалтай нь, гадаадын аялагчдыг горилж суусаар байтал дотоодын аялагчдаа гадагш алдаж дуусах нь. Учир нь орон нутгийн нислэгийн энгийн суудлын тийз нэг талдаа 650-980 мянган төгрөг байгаа бол хоёр талдаа 1.3-2.1 сая төгрөгийн ханштай. Энэ нь дэлхийн дунджаас гурав дахин өндөр өртөг учраас монголчууд орон нутаг руу бус гадаад руу явахыг илүүд үзэж байна.

Энэ зуны статистикаас харахад, дотоодод аялсан хүмүүсээс илүү гаднын орныг зорьж буй тоо улирлаас хамаарч 3-5 дахин өндөр байгаа аж.

Одоогийн байдлаар агаарын тээврийн дотоодын авиа компаниуд Ховд, Баян-Өлгий чиглэлд л нислэг үйлдэж байна. Эдгээр гурван чиглэл зорчигч ихтэй учраас хуваарийг хасаагүй үргэлжлүүлнэ. Харин Увс болон зарим аймаг руу суудлын тоо бүрдэхгүй гэх шалтгаанаар өнгөрсөн тавдугаар сараас нислэг үйлдэхгүйгээ мэдэгдсэн.

Өнөөдрийн байдлаар агаарын тээвэрлэгч авиа компаниудын дотоодын нислэгийн дундаж үнэ: