Нью-Мексико мужийн их сургуулийн төгсөгч Александра Хеллер экологийн судалгаа хийхээр 6000 гаруй миль замыг туулан Монголд ирэхээр болжээ. Александра маш их хичээл зүтгэл, цаг зав гарган ажилласны үр дүнд Фулбрайтын сургалт, судалгааны тэтгэлэг хүртсэн бөгөөд есөн сар Улаанбаатар хотод ажиллах юм.

Хеллер “Би Фулбрайтын тэтгэлэгээр Монголд аялах болсондоо баяртай байна. Энэ амьдралыг минь өөрчлөх туршлага болно гэдгийг мэдэж байгаа бөгөөд шинэ найз нөхөд, хамтран ажиллагсадтай танилцааж, Монголын онгон байгаль, соёлыг мэдэрч, гадаадад цагийг өнгөрөөх болсондоо маш их баяртай байна" гэж ярьжээ.

Мөн тэрбээр “Би Монгол руу аялахыг олон жилийн турш хүсч байсан. “Би морь унадаг, сургах дуртай хүн. Алслагдсан цөлийг судлах дуртай. Монгол орон уулархаг газар нутагаараа алдартай, монголчууд морь унах авьяас, ур чадвараараа шагшигддаг. Би өмнө нь хэзээ ч ингэж их догдолж байгаагүй" гэв. 

Тэрбээр Прескотт коллежийн байгаль орчны судлалын бакалавр, Нью-Мексико мужийн их сургуульд ургамал, байгаль орчны шинжлэх ухааны магистрын зэрэг хамгаалжээ. Александра бэлчээр судлаачид, нүүдэлчин малчид, бодлого боловсруулагчдын нэгдэл болох Монголын бэлчээр ашиглагчдын үндэсний нэгдсэн холбоотой хамтран ажиллаж, өөр өөр экосистем, газар ашиглалтын хувьд хөрсний нүүрстөрөгчийн хуримтлал хэрхэн өөрчлөгдөж байгааг судлах болно.

Тэтгэлэгт хамрагдах нь ихээхэн хүчин чармайлт шаарддаг урт процесс байсан бөгөөд хамгийн хэцүү хэсэг нь маш цөөхөн үгээр товч боловч үнэмшилтэй эссэ бичих явдал байсныг онцолжээ. Фулбрайтын сургалт, судалгааны тэтгэлэг нь АНУ-ын Фулбрайтын оюутны хөтөлбөр дэмжлэгээр 140 гаруй улстай хамтран ажиллаж, эрдэм шинжилгээний боломжуудыг санал болгож, соёлын солилцоог дэмждэг.

ЭХ СУРВАЛЖ: HTTPS://NEWSROOM.NMSU.EDU/