Тодорхой бус хөдөлмөрийн зах зээлд одоо, ирээдүйд тогтвортой, өндөр цалинтай ажлын байрыг эрэлхийлж буй хүмүүст дараах мэдээллийг хүргэж байна. Төгсөөд хамгий өндөр цалинтай ажилд орох боломжтой 10 мэргэжлийг  энд танилцууллаа. Дээд боловсролын судалгаа, зөвлөх агентлаг болох "HEA" группын тайланд дурдсанаар, хамгийн өндөр цалинтай мэргэжлүүдэд шинжлэх ухаан, технологи, инженер, математикийн салбарууд ноёрхож байгааг гайхах зүйл биш.

Компанийн гүйцэтгэлийг үнэлэх, сайжруулахын тулд математик ашигладаг үйл ажиллагааны судалгааны шинжээч хамгийн өндөр буюу жилд 112 мянган ам.долларын цалин авч байна. "BLS"-ийн мэдээллээр, үйл ажиллагааны судалгааны шинжээчдэд зориулсан  ажлын байр ердөө 104,200 байдаг ч ирэх 10 жилд энэ салбар дунджаас 23 хувиар хурдан өсөх төлөвтэй байна. 

Компьютерийн шинжлэх ухаан бол хамгийн өндөр цалинтай салбар гэдгээрээ алдартай бөгөөд жилд 105 мянган ам.доллар олох боломжтой. Энэ нь АНУ-ын жилийн дундаж цалингаас хоёр дахин үзүүлэлт. Үүний зэрэгцээ, сувилахуйн мэргэжил жилд дунджаар 76 мянган ам.доллараас дээш цалинтай байдаг бол харилцаа холбооны чиглэлээр мэргэшсэн хүн жилд 49,000 ам.долларын орлого олох боломжтой.

Физикийн шинжлэх ухааны зэрэгтэй бол ажлын гараагаа  жилд 85 мянган ам.долларын цалингаар эхлүүлж болно. Харин сувилахуйн бакалаврын зэрэгтэй хүмүүс дунджаар жилд дунджаар 67 мянган ам.доллараас бага орлого олдог.

Бакалаврын зэрэгтэй хүмүүст хамгийн өндөр цалинтай мэргэжлүүдийн дундаж цалин нь:

1. Үйл ажиллагааны судалгаа: 112,000 ам.доллар
2. Тэнгисийн цэргийн архитектур ба тэнгисийн инженерчлэл: 109,000 ам.доллар
3. Компьютерийн шинжлэх ухаан: 105,000 ам.доллар
4. Далайн тээвэр: 104,000 ам.доллар
5. Компьютерийн инженерчлэл: 99,000 ам.доллар
6. Мал эмнэлгийн эмч: 97,500 ам.доллар
7. Газрын тосны инженерчлэл: 97,000 ам.доллар
8. Системийн инженерчлэл: 95,000 ам.доллар
9. Эмийн шинжлэх ухаан: 94,000 ам.доллар
10. Цахилгаан, электроник, харилцаа холбооны инженерчлэл: 92,000 ам.доллар

Бакалаврын зэрэгтэй хүмүүсийн дунд хамгийн алдартай мэргэжлүүдийн дундаж цалин нь (хамгийн алдартайгаас буурах дарааллаар):

1. Бизнесийн удирдлага: 58,000 ам.доллар
2. Сувилахуй: 76,500 ам.доллар
3. Сэтгэл судлал: 43,000 ам.доллар
4. Эрүүгийн шүүх: 47,000 ам.доллар
5. Нягтлан бодох: 64,000 ам.доллар
6. Харилцаа холбоо: 49,000 ам.доллар
7. Багшийн боловсрол: 42,000 ам.доллар
8. Биологи: 49,000 ам.доллар
9. Либерал урлаг, хүмүүнлэгийн урлаг: 44,000 ам.доллар
10. Эрүүл мэнд, физикийн шинжлэх ухаан: 47,000 ам.доллар

ЭХ СУРВАЛЖ: FORTUNE